Juulimaaq takkutissaaq orpillu ikillugu, tussiartoqassaaq, borgmesteri oqalugiassaaq, juulimaaq peqatigalu orpik kaavinneqassaaq taakkulu kingorna meeqqanut puussiaaqqanik agguaassisoqassalluni.
Puussiaaqanik agguaassinissamut atatillugu meeqqat 0-13 ukiullit (apersortinneqanngitsut) paaqqinnittarfimmiit atuarfimmiillu billetsinik tunineqassapput. Meeqqat atuanngitsut aamma paaqqinniittarfimmiinngitsut kommunip allaffianut Ilinniartitaanermut immikkoortoqarfimmut saaffiginnillutik billetsimik aallersinnaapput kingusinnerpaamik tallimanngorneq 30. november nal. 15.00.