Pisarneq malillugu illoqarfiup orpia ikinneqassaaq Sapaassuaq siulleq 29. november 2020 nal. 15.00 napparsimaviup saavani. Ukioq manna COVID-19 peqqutigalugu inuit 250-it annerpaamik peqataasinnaapput, Namminersorlutik Oqartussat nalunaarutaat aallaavigalugu.
Orpiup ikinnerani pilersaarut:
- 15:00 Borgmesterip Tulliata Aappaa Juliane Enoksen oqalugiassaaq orpillu ikillugu
- 15:10 Serravimmi erinarsortartuaqqat erinnanik marlunnik atuissapput
- 15:20 Najuuttut ”Juulimaannguaq iserit” atussavaat
- 15:35 Nissimaaq oqalugiaateqalaassaaq
- 15:40 Qujanaq
Maluginiaruk: Ukioq manna meeqqanut puussiaaqqanik agguaasoqassanngilaq, meeqqat paaqqinnittarfiinut atuarfiinullu pajuttoqarumaarmat. Meeqqat suli paaqqinnittarfinniilinngitsut, angajoqqaavisa kommunimut ilinniartitaanerup immikkoortortaqarfiup saaffiginnittarfianut, puussiaaqqamik ataasinngorpat aalliussinnaavaat.
Naalakkersuisut katersuunnermi killilersuineri peqqutaallutik inuit ungaluusap iluaniissinnaasut killeqarput.
( Erseqqissaatigissavarput billetsit tamarmik aaqqissuussamut nungummata) - Orpiup ikinnerani peqataaniaruit orpeqarfimmut illoqutigiillusi isissutissassinnik Taseralimmut aallissaasi. Isissutissamik pillit kisimik ungaluusap iluani isersinnaapput. Isissutissat sinneqassappata isaarissap eqqaani peqarumaarpoq.
Ornigullutik peqataasinnaanngitsut Qeqqata Kommuniata facebookimi quppernerani orpiup ikinnera toqqaannartumik aallakaatinneqarnera malinnaavigisinnaavaat.