Nuunneq kommunimut nalunaarutigiuk

Nuunneq pillugu nalunaarut nuussatillutit immersussavat.

Nuunneq pillugu nalunaarut pisortat innuttaasunik nalunaarsuinermut atortarpaat.

Maana nuunnermik nalunaaruteqarsinnaavutit taamaallaat Kalaallit Nunaata iluani nuunniaruit. Una assersuutigalugu Danmarkimit Kalaallit Nunaanni illoqarfimmut nunaqarfimmulluunniit nuunniaruit atorsinnaanngilat, danskit kalaallillu systemii suleqatigiinngimmata.

Nuunninniit kingusinnerpaamik ullut tallimat qaangiutsinnagit nuunneq pillugu nalunaarutigissavat.

MitID-mik peqaruit, nuunneq toqqaannartumik attaveqaatitigoortumik nalunaarutigisinnaavat.

MitID-mik peqanngikkuit, nuunneq pillugu nalunaarut immersugaq nuuffigisannut innuttaasunut sullissivimmut imaluunniit nunaqarfiup allaffianut tunniutissavat.

Nuunneq pillugu nalunaarneq akeqanngilaq.

Malugiuk
Nuunninniit kingusinnerpaamik ullut tallimat qaangiutsinnagit nuunneq pillugu nalunaarut tunniutissagakku.

Kalaallit Nunaata Danmarkillu avataanut nuussaguit allamut nuunneq pillugu immersugassaq immersussavat. Tamanna kommunimi qimalikkannit innuttaasunik sullissivimmi imaluunniit nunaqarfiup allaffiani pissaaq.

• Illumik piginnittut nikinnerat – Nalunaarneq
• Nunani avannarlerni innuttaassuseqarneq – nuunneq, sulineq aamma najugaqarneq
• Nuunnialeruit eqqaamasassatut allattorsimaffik
• Nuunneq kommunimut nalunaarutigiuk
• Tapersersuisarneq ILIK