Ugguuna tuttunniarnissamut umimmanniarnissamullu akuersissummik qinnuteqarsinnaavutit pisanillu nalunaarsinnaallutit.
Inuit tuttunniarusuttut umimmanniarusuttullu tamarmik piniagassamut pineqartumut atatillugu piniarsinnaanermut allagartamik akuersissummillu atuuttumik peqartussaapput.
Piumasaqaatit naammassigukkit, imminut kiffartuulluni immersuiffissaq manna aqqutigalugu tuttunniarnissamut umimmanniarnissamullu allagartamik ingerlaannaq pissarsisinnaavutit. Piniariartarfinni killeqanngitsumik piniarfiusinnaasuni taamaallaat piniarnissamut allagartamik pissarsisinnaavutit.
Piniariartarfimmi killilimmik piniarfiusinnaasumi piniarnissamut allagartamik kissaateqaruit kommunerisannut saaffiginnissaatit.
Akuersissut tunineqartumuinnaq atuuppoq, allanullu tunniunneqarsinnaanani tuniniarneqarsinnaananilu.
Akuersissutip malitsigisaanik pisatit nalunaarutigissallugit pisussaaffigaat. Uani pisannik nalunaarsinnaavutit imaluunniit akuersissut pisannik nalunaarutitalik kommunip allaffianut tunniussinnaavat. Piniarnissamut allagartanni allassimavoq qanoq qaqugukkullu pisannik nalunaassanersutit.
Piniagassat pisuussutinillu uumassusilinnik atuineq Aalisarnermut Piniarnermullu Naalakkersuisoqarfimmit (APN) aqunneqarput.
Tuttunniarnissamut umimmanniarnissamulluunniit allagartartaarusukkuit piumasaqaatit uku naammassisimassavatit:
1) Qinnuteqarnerup nalaani 15-inik ukioqalereersimassaatit.
2) Piniarnissamut allagartamik atuuttumik peqassaatit.
3) Piniarnermut allagartaq 1. maj sioqqullugu akilerneqassaaq.
4) Kalaallit Nunaanni aalajangersimasumik najugaqassaatit.
5) Aamma ukiuni kingullerni marlunni Kalaallit Nunaanni aalajangersimasumik najugaqassaatit.
Internetikkut ugguuna qinnuteqarit nalunaaruteqarlutilluunniit:
(Linki: allagartamut pisanillu nalunaaruteqarnermut tunngatillugu imminut kiffartuunneq)
Ugguuna tuttunniarnissamut umimmanniarnissamullu akuersissummik qinnuteqarsinnaavutit pisannillu nalunaaruteqarlutit. Imminut kiffartuussivimmut iserniaruit MitID-qassaatit.
• Piumasaqaatit tamaasa naammassisimagukkit pisassiissutillu killilersugaanngippata
Piumasaqaatit tamaasa naammassisimagukkit piniarnermut akuersissutissat ingerlaannaq naqitanngorlugu anillatsissinnaavat.
Sullissivik.gl imaluunniit najukkanni innuttaasunik kiffartuussivik nunaqarfimmiluunniit allaffik aqqutigalugit piniarnermut akuersissummik qinnuteqarsinnaavutit aamma imminnut kiffartuullutit piniarnermut akuersissut pissarsiat anillatsissinnaavat.
MitID-qanngikkuit
MitID-qanngikkuit kommunip innuttaasunik kiffartuussivianut, inuussutissarsiornermut siunnersortimut imaluunniit nunaqarfimmi allaffianut ornigullutit tuttunniarnissamut umimmanniarnissamullu akuersissummik qinnuteqartuaannarsinnaavutit.
Piumasaqaatit tamaasa naammassisimagukkit piniarfinnut killilersugaanngitsunik pisassiissutilinnut piniarnermut akuersissut ingerlaannaq anillatsissinnaavat. Piniarfinnut killilersukkanik pisassiiffiusunut akuersissummik pissarsiniaruit, kommunimut akuersissummik qinnuteqassaatit, kommunimmi qinnuteqaatit isumagisarpai, makitsisoqassappallu agguaassisoqarlunilu aamma isumagisussaallugit.
Eqqaamajuk piniariarninni piniarnermut akuersissutivit assinganik nassartuaannassagavit, telefonikkut assilisaq naammanngilaq. Nalunaaruteqarnissamut immersugassaq piniarnissamut akuersissutip tunuaniittoq, pisavit piniarfimmiit assartunnginnerani immersorneqareersimassaaq.
Piniarnermut Naalakkersuisoq piniarfinnut killilersugaanngitsunik pisassiissutilinnut pisassiissutissanik, piffissamik piniariarfiusussamik piniariarfiusussamillu piniarnissamut akuersissuteqarnissamik aalajangersaappat tuttunniarnissamut umimmanniarnissamulluunniit akuersissummik qinnuteqarsinnaavutit. Pisassat killeqarpata kommunimut saaffiginnissaatit.
Piffissamut piniarfiusussamut tamarmut atugassamik piniarnissamut akuersissummik aalajangersimasumik qinnuteqarsinnaavutit.
Piniarnermut allagartamik qinnuteqaatit itigartitaappat naammagittaalliuuteqarsinnaavutit. Taamaaliorsinnaavutit isumaqaruit eqqunngitsumik tunngaveqarluni itigartitsisoqarsimasoq imaluunniit qinnuteqaatinnut tunngatillugu paasissutissanik nutaanik saqqummertoqarsimappat.
Itigartitsineq naammagittaalliuutiginiarukku tamanna ukiup piniarfiusup naanera sioqqullugu pissaaq. Naammagittaalliuut nassiunneqassaaq uunga:
Aalisarnermut Piniarnermullu Naalakkersuisoqarfik
Att.: Piniarnermut Aallaaniarnermullu Immikkoortortaqarfik
Postboks 269
3900 Nuuk
Fax: (+299) 34 53 40
E-mail: jagtbeviser@nanoq.gl
Aalisarnermut Piniarnermullu Naalakkersuisoqarfimmit apeqqutissaqartoqarpat attavigineqassaatit. Naammagittaalliuutit suliarineqareerpat akissutisissaatit.
Aalisarnermut Piniarnermullu Naalakkersuisoqarfimmit aalajangiineq naammaginngikkukku, suliassaq Ombudsmandimut imaluunniit eqqartuussivinnut saqqummiussinnaavat.