Inuunerissaarneq - Det gode liv
Qeqqata Kommunia meeqqat pisinnaatitaaffiii pillugit sullissivimmiik innersuussutit meeqqat pitsaasumik inuuneqarnissaanik, utoqqaallu inuunerisa pitsaassusaa kiisalu innuttaasut innarluutillit innuttaasut allat assigalugit ataqqinartumik inuunerisa qulakkeerneqarneratigut anguniagalimmik suliaqarpoq.
Qeqqata Kommuniata suliniutaani “Inuunerissaarneq – Det gode liv” suleqatigiissitat arfineq-marluk qulequtaqartunik aaliangersimasunik suliassaqarfeqarlutik ingerlanneqarpoq. Suliffeqarfiit suliniummut peqataasut tassaallutik: Kommunimi atorfilittat, kommunip suliffeqarfiutaani sulisut napparsimmavimminngaanniillu.
Suliniutip siunertarivaa meeqqat ilaqutariillu inuunerissaarnissaat, sukumiisumik suliassanut suleqatigiinnerulernissaq, sulianillu malitseqartitsineq. Angajoqqaat attaveqaataasullu akuutinneqarnerunerisigut aammalu peqqinnartumik sammisassaqarfiusumillu ukioqqortusiartorneq suliniummi qitiutillugit ingerlanneqarpoq.
- Inuunerissaarneq- Det gode liv pillugu annertunerusumik uani atuarit: Inuunerissaarneq
Sisimiuni Utoqqaat angerlarsimaffianni najugaqartut angalaajutigalutik aalisariarput
SIRIUS Greenland Aps aqqutigalugu aalisariarneq ulloq 22 juli 2021 piviusunngorpoq.
Ruth Fleischer: ”Nuannisaqaagut, assaqutaq tininngammat tikinngikkaluarlugu, 4 tiimi angalanerput ajorinngilara, silalu eqqorluaratigu ikerasak saneqqupparput, aamma aalisarpugut uummannaarsuk takuarput neriffigalugulu, saarullinnik pisaqarpugut nutaartorluta nuanneqaaq”
Louise Karlson: ”Nuanneqaaq qatsungallunilu, isiginiarnera ajoraluartoq pissarsingaarpunga, kisimi ikiniartarneq niuniartarnerluni uanni ajornakusoorpoq nuannisaqaangali”
Johannes Rasmussen: ”Aliannaarnaq, inuunermik pissatsiallannaqaaq, tullianimut nutaarnarniummik sanassaanga, assut nuannerpoq, saarullinnik pisaqarpunga”
Utoqqaat najugaqartut pisinnaasut arfineq pingasut peqataapput sulisullu sisamat.
Sila qulisimalaaraluarluni alianaatsorsuuvoq, kangerluarsummut ingerlagaluariarlutik pujoriarmat kujataatungaanut ingerlaarput aqqutaani arfernik naammattuisarlutik alutorsaataasunik.
Aalisareernerup kingorna uummannaarsuup tungaani niunngikkaluarlutik sutuupput, sutuunnerisalu nalaani sulisut saarulliit suliarivaat unnukkuanut utoqqaat nutaartugassaannik.
Aaqqissugaq ingerlanneqarpoq projektiminngaanniik Inuunerissaarneq politikkerit aningaasaliissutaanninngaanniik, innuttaasunut tamanut pitsanngorsaasaasussatut inuunermi atugarissaritaasunut. Projekti arfineq-marlunnik quleqautaqartunik gruppeqarpoq, meeraanermiik utoqqalinermut.
Angerlarsimaffik Neriusaaq
Angerlarsimaffik Neriusaami najugaqartut pisinnaanerusutsisamanngornermi 15-07-21 charterimut kuannersarlutik saarullinniarlutillu angalaarput, tallimanngornerlu 16-07-21 pisaminnik killutigut igallugit saarulliit kuisartuutigaat.
