Kangerlussuarmi atuakkanik atorniartarfik atuartunut nunaqarfiullu innuttaanut atuakkanik atorniartarfittut atorpoq. Atuakkanik atorniartarfik Qinnguata Atuarfiata illutaani inissisimavoq, ulluinnarnilu nal. 14.00 tungaanut atuartunut atuakkanik atorniartitsisarneq ingerlasarpoq.
Aviisit saqqummertartut assigiinngitsut aamma atuarsinnaasannut ilaapput, aviisit qaammammut saqqummertartut kingulliit atuakkanik atorniartarfimmi nassaassaajuaannarput. AG Sermitsiaq-lu saqqummertut kingulliit tamatigut atuarsinnaasassavatit.
Atuakkat ujakkavit nassaarinissaanut atuakkanik atorniartarfimmi sulisup aamma ikiorsinnaajuaannassavaatit, elektronisk atorlugu ujarliuteqanngimmat atuakkanik atorniartarfimmi sulisumit ikiorneqariaannaaneq iluarusunnarpoq, tamatuma kingorna nerrivinni sofamilu atuarujoorfiusinnaasuni ingilluni atuakkanik aviisinilluunniit atuarujoortoqarsinnaalluni.