Sunngiffimmi atuartitsineq tassaavoq inersimasunik meeqqanillu ilinniartitsinermi pilersaarut, kommunimi inersimasut meeqqallu tamaasa pilersitsisinnaanissamik misiliinissaannut periarfissiisoq, atuagarsornikkut ineriartornikkut imaluunniit eqqissisimasumik periuseqarluni allat peqatigalugit timersoqatigiinnikkut.
Pikkorissarfiusinnaasut ukiumiit ukiumut allanngorartuupput, qassiuneri aammalu qassit allatsissimanersut apeqqutaallutik aallartittarlutik.
2020/2021-imi sunngiffimmi atuartitsinermi pikkorissarfigisinnaasat uani takukkit .
Allatsinneq ajornannginnerutinniarlugu, nittartakkatigut allatsiffisaq immersorneqarsinnaavoq.
Nittartakkatigut ugguuna allatsigit.
Nittartakkatigut allatsissinnaanngikkuit, sunngiffimmi atuartitsinermi pikkorissarfiusinnaasut allattorsimaffiisa tunuani allatsinnissamut immersoriarlugu kommunip allaffianut tunniussinnaavat.
Sunngiffimmi atuartitsinerit ukiamiit junip 18-ata tungaanut ingerlasarput.
Peqataaffigisinnaasat arlallit allatsittut naammaleriarpata aallartittarput.
Atortussat pisariaqartitat suuneri apeqqutaallutik nammineq akilerlugit pissarsiarineqassapput.
Atuartitsinerit ataasiakkaat pisariaqartitaq aallaavigalugu aallartittassapput, aallartinnissamulli minnerpaamik allatsittut arfineq pingasunngoraangata atuartitsineq aallartissinnaanngortarpoq.
Qeqqata Kommuniani inersimasunut meeqqanullu tamarmik peqataasinnaapput.
Aammattaaq sunngiffimmi atuartitsinermi kikkulluunniit ilisimasaminnik ingerlatitseqqeerusuttut kiisalu atuartitsinermeereersimanngikkaangata atuartitsisinnaapput.