Naasunnguaq - Sarfannguaq

Akuleriisitsilluni meeqqerivik 181 m2–iusoq 2004-mi pisortatigoortumik atulersinneqartoq, meeqqanut akioqanngitsuniit arfinilinnut ukiulinnut aqqaneq-marlunnut inissaqartitsivoq.

Naasunnguaq ima agguagaavoq: isaariaq, ataatsimoorussamik iggavik aamma sammisaqarfittut atorneqartoq, pisortap allaffia, inersuarlu ataatsimoortarfittut atorneqartartoq. Inersuaq meeqqanit tamanit atorneqartarpoq, tassanilu assigiinngitsunik pinnguaqarlunilu sammisassaqarpoq.
 
Tamatuma saniatigut meeqqanut nukarlernut angajullernullu sinittarfeqarpoq, meeqqanut inersimasunullu perusuersartarfeqarpoq, ataatsimoorussamik kigutigissartarfeqarlunilu nangilersuisarfeqarpoq, qiteqquttarfeqarpoq, kiisalu meeqqat sulisullu kiffartuunneqarnissaannut atortussanik arlallinnik toqqorsiveqarluni.

Ukiup ingerlanerani sammisaqartsitsinerit imatut isikkoqarput:

• Kulturisiortsitsineri.
• Ukiortaarsioqatigiineq.
• Sisorarfissiorneq.
• Arpatsitsineq Maj peqqissuutigummut atatillugu.
• Grillereqatigiineq.
• Kaageeralioqatigiinneq, december.
• Qiortaaqatigiinneq, december.
• Orpiliaqatigiinneq.

Ulluinnarni aamma meeqqat assigiinngitsunik sammisaqartarput, aasanerani silami aneerneq atorluarneqartarpoq.

Atisassamaatit :
Meeqqat atisassamaatissaat angajoqqaavisa eqqumaffigisarpaat.

Pingussanik nassartarneq :
Ullut tamaasa pingussanik nassarfiusarpoq.

Aalakkaasumik sammisassat:
Meeqqat ullut tamaasa sammisaqartinneqartarput, soorlu assassornerit, qalipaanerit, qiortaanerit, eqarsarneq, qitinneq taakkua ulluinnarni atortuaannartuupput.

Ammasarfiit:

Ataasinngornerneq - Tallimanngorneq: Nal. 07:30 - 17:00

Nerisarneq:
Nal.10:30 ullup qeqqasiortarput. Nerisassat kissartut, pingasunngorneq minillugu igaanik nerisarput pingasunngornikkut tiggaliartortarput.
Nal.14:00 ualikkorsiortarput, naatitat assigiinngitsullu nerineqartarlutik.
Taakkua saniatigut ullaakkut ualikkullu tamulugassaqartarpoq.