Init marlunnut aveqqapput. Meeraaqqanut ukioqanngitsuniit pingasuik ukiulinnut 14-nut inissaqarpoq. Anginerit, tassa pingasuniit arfinilinnik ukiullit qulingiluat inip aappaaniipput.
Meeqqat ullaakkut takkukkaangamik ataatsimoortinneqartarput. Nalunaaqutaq qulingiluat qulip qeqqatalu missaani iniminukartarput, tassani ullormut pilersaarutaasut aallartinneqartarput. Meeqqerivik ullunut 14-nut sammisassanik pilersaarusiortarpoq.
Minnerit sinittarmata aneertinneqartarput, silalu ajoraangat assigiinngitsunik sammisaqartinneqarlutik pinnguartarput, soorlu meeqqanut ilikkassutaasinnaasunik pinnguartinneqarlutik.
Meeqqat tamarmik nalunaaqutaq aqqanernut nerisarput. Marlunngornermi sisamanngornermilu igaartortarput, ulluni taaneqanngitsuni iffiartortarlutik. Nerereeraangamik kigutigissartarput ermillutik querusuttullu quillutik.
Nalunaaqutaq 11:30-12:00 akornanni meeqqat minnerit innartinneqartarput, anginerillu aneertinneqarlutik.
Nalunaaqutaq marlunngoraangat ualikkorsiorlutik nerisarput, sammisassaqarunillu sammillugit, sammisassaqanngikkunik assigiinngitsunik sammisassarsiortarput.