- Klassep, nunatta nunarsuullu iluini inooqatigiinnerup nukittorsarnissaa
- Kikkut tamarmik toqqissisimassapput
- Atuartut tamarmik angerlarsimaffimminni atuarfimmilu ingerlalluassasut, ilikkagaqarluarsinnaaniassammata
Qinnguata Atuarfia
Atuarfik nunaqarfiup Kangerlussuup, mittarfiup kujataatungaani inissisimavoq. Atuarfik 2006-imi massakkut inissisimaffigisaanut nuutsinneqarnikuuvoq. Illu Atuarfiup saniatigut paaqqinnittarfimmik ”Fritteren”, sunngiffimmi ornittagaq Qooqa” atuakkanillu atorniartarfimmik initaqarpoq. Atuartitsiviit 1. klassemiit 10. klassenut assigiinngitsunut arfineq marlunnut agguataaqqapput. Atuartut 65-it missaanniipput, ilinniartitsisullu ilinniarsimasut qulit atuartunut ilinniartitsisorineqarput. Paaqqinnittarfimmi sulisut aalajangersimasut marluupput, Qooqa-mittaaq aamma marluullutik kiisalu aqutsisuat.
Atuarfimmi siulersuisut ilinniartitsisullu uku Qinnguata Atuarfianut takorluukkat suliarisimavaat
Atuarfimmi siulersuisut ilinniartitsisullu uku Qinnguata Atuarfianut takorluukkat suliarisimavaat
Inooqatigiinnikkut takorluukkat:
Atuagarsornikkut takorluukkat:
- Atuarfik pitsaanerpaajussasoq, meeqqat inuusuttullu ingerlaqqinnissaminnut sakkussaqalersinnaaqqullugit.
- Atuagarsorneq qaffasissumik inissisimassasoq, ilinniagaqarlutik ingerlaqqilerunik aporfeqannginnerussammata.
- 1. klassemiit 10. klassemut atuartunut ataasiakkaanut siunnersuineq.
Immikkut isiginiagassat:
- Meeqqat ataasiakkaat isiginiarneqassasut – "Arlaatigut pikkoriffik piujuaannarpoq, sutiguunersorlu paasiniaannagassaraarput."Pikkoriffinnik nukittorsaanissaq aammalu sanngiiffinnik paasinniarnissaat akuerineqarnissaallu siunertaralugu.
- Ipadit: ilinniartitsinermut siunertaqarluartumik atorneqassapput
- Suliffimmik misiliisarneq, suliffinnut paasisassarsiorneq, piniarneq assigisaallu eqqarsaatigalugit suliffeqarfinnik suleqateqarneq.
- Eqaarsaarneq aalanerlu: Timersuutit tamarmik periarfissaqarfigaagut. Aalaneq peqqissuserlu isiginiarneqarneri.
- Atuarfimmi/angerlarsimaffimmi suleqatigiinneq. Atuartup atugarisai pillugit pitsaasumik kinguneqartussamillu tamarmik suleqatigiissinnaasariaqarput.
Atuarfiup pisortaa: Susanne Andersen
Qinnguata Atuarfiani attaveqaatit
Attavissaq: 843201, mail: qinnguata@attat.gl
Ilinniartitsisut inaat / lærerværelset: 843202
Sunngiffimmi pisortaq: 227272, mail: gljohov1@attat.gl
Paaqqinnittarfik: 843203, mail: fritteren@atuarfiit.gl
Klubbi Qooqa: 841415 mail: Qooqa@atuarfiit.gl
Timersortarfik: 841516
Atuakkanik atorniartarfik: 843204
Fritteri: 843203