Sammisat

Kommunimi sullinneqarnissannut innuttaasunut sullissivimmut aqqutissaavoq. Kommunimi assigiinngitsut iluani pingaarnertut ilusilersugaanera pillugu paasissutit ilitsersuutillu matumani takusinnaavatit.

Kommunalbestyrelsip politikkikkut sulinera kommunemilu politikkikkut ataatsimiititaliai pillugit quppernernut tikilluarit.

Oqaluuserisassat kommunalbestyrelsillu ataatsimiinnerini imaqarnialiat nanisinnaavatit kommunemilu politikkikkut aqutsineq pillugu kiisalu bestyrelsimi ilaasortat allattorsimaffii immikkoortumi Kommunalbestyrelsimi annertunerusimik atuarsinnaavatit.

Ataatsimiititaliat ataasiakkaat pillugit paasissutissat Politikkikkut Ataatsimiititaliamut katersornikuuagut, ataatsimiititaliallu ilaasortaat kikkuunersut qanorlu attavigisinnaaneritit aamma tassani takusinnaavatit.

Ataatsimiititaliat ataatsimiiffissaata allattorsimaffii immikkoortumi Ataatsimiiffissani takusinnaavatit. Aningaasaqarnermullu pilersaarusiat ukiumullu kommunemi pisimasut kingumut atuarniarukkit Missingersuutit aammalu Ukiumut nalunaarusiaq toorlugit paasissutissat annertunerusut pisinnaavatit.

Destination Arctic Circle Kalaallit Nunaanni taamaallat nunat kusanarnersaanngilaq, aammali misigisassarpassuarnik ukioq naallugu peqarluni.
Destination Arctic Circle alakkaruk, sermersuup tungaanut aqqutitualik, illoqarfiit annersaata tullia qimussit aqqutaanik timmisartoqarfissuarmut ornissinnaavat, Arctic Circle Race, aalisarfissat kuunni tatsini aammalu Heliskiing Evighedsfjordimi.
Qimusserneq, sisoraanneq, asimi pisuttuarneq, piniarneq, aalisarneq aamma qajartorneq taakku tassaapput ataavaartut sammisassat, Destination Arctic Circle-mi taakku tunngaviusumik aallarniisuupput sammisassat annersaanut.
Destination Arctic Circle-mut tikilluarit.

Kommuni Qaasuitsup (polarcirkel) killeqarfiata Itilleq kujaqqutitsiarlugu aveqqavaa.
Silaannaa issittup silaannaralugu, ukiumilu issitsillugu ammut 35º-it angusarlugit aasakkullu kiatsillugu qummut 20º-it angusarlugit.
Kommuni ukioq kaajallallugu sikuneq ajortumiippoq, taamaattumillu ukioq kaajallallugu nioqqutissanik pilersugaalluni.
Kommuni qimmeqarfiit taamalu qimusserfiusinnaasut kujallersarivaat, Sisimiullu qimusseqarfiullutik.
Aamma kommunimiippoq Kalaallit Nunaanni mittarfeqarfiit annersaat, Kangerlussuaq, taassumalu imarpik qulaallugu nunallu iluani angalasut sulissutaralugit, Kalaallillu Nunaata timmisartutigut pingaarutilimmik attaveqarnerat isumagisaralugu.

Qeqqata Kommuniani 10.000 ataatilaarlugit najugaqarput. Qeqqata Kommunia 1. januar 2009 pilersinneqarpoq Sisimiut Maniitsorlu kattunnerasigut.