Neqerooruteqarnermut allaaserinninneq; 2026-miit 2030-p tungaanut Maniitsup illoqarfiani Eqqaavilerineq Anartarfilerinerlu
Qeqqata Kommunianiit matumuuna Maniitsumi 1. januaari 2026-miit 31. decembari 2030-mut eqqaavilerineq anartarfilerinerlu neqeroortitsissutigalugu tamanut suliariumannittussarsiuunneqarpoq.
Indhold
Suliassaq Maniitsup illoqarfiani eqqaavilerinermut anartarfilerinermullu nalunaarsimasunut eqqaavilerineq anartarfilerinerlu.
Neqeroortitsinermi atortussat atuuttut tassaapput:
Ilanngussaq 1 Maniitsumi 2026-miit 2030-mut eqqaavilerinermut anartarfilerinermullu Suliassamik immikkut nassuiaassineq (SA) aamma Immikkut piumasaqaatit (SB)
Ilanngussaq 2 Neqeroorutinut allattorsimaffik
Ilanngussaq 3 Inoqutigiinnut suliffeqarfinnullu eqqakkat pillugit Qeqqata Kommuniata maleruagassiai
Ilanngussaq 4 Qeqqata Kommuniata Anartarfilerisarnermut annanik imermillu errortuivikumik kuutsitsinermut maleruaqqusaa
Ilanngussaq 5 Eqqagassalerinermut ilusilersuineq atuinerlu pillugit ilitsersuut
Neqeroortitsinermi atortussat Teknikkeqarnermut Avatangiisinullu immikkoortortamut [email protected]-imut saaffiginnissuteqarnikkut ulloq 31. Juli 2025 inniminnerneqarsinnaapput. Akikinnerpaamik neqerooruteqartumik toqqaanissaq tunngavigineqassaaq.
Nalorninermi apeqqutit uunga nassiunneqarsinnaapput [email protected] ulloq una killigalugu 1. September 2025, tamatuma kingorna neqeroortitsinermi atortussanik pissarsisimasut akissuteqarfigineqarumaarput.
Neqeroorut allakkatigut tunniunneqassaaq. Neqeroorutinut allattorsimaffik immersugaq kiisalu atortussanut ilanngussaq allakkap puussaani matoqqasuniitinneqarlutik ima nalunaaqutsigaallutik ”NEQEROORUT Eqqaavilerineq aamma anartarfilerineq” kingusinnerpaamik suliariumannittussarsiuussinermi ullormi 15. September 2025 nal. 10.00 pisussami tunniunneqarsimassapput. Matumani TAI-ip ataatsimiittarfiani neqeroorut ammarneqassaaq.