Qeqqata Kommuniani aggerluni saaffiginnittarfii Sisimiuni matupput
Tamanna Coronavirusimik tunillaassuisinnaanermik pinaveersaartitsinissamik tunngaveqarpoq. Pinaveersaartitsineq massakkorpiaq atuuttussanngortinneqarpoq.
Indhold
Allakkat/pappiaqqat tunniunneqassagunik nakkartitsivimmut allaffissuup saaniittumi nakkartsinneqassapput, toqqaannartumik tunniuteqqusaanatik.
Meerallit paaqqinnittarfinniittuutillit angajoqqaat kisimik meeqqanukaassillutillu aallersinnaapput imatut paasillugu ilaquttat kammalaatit meeqqanukaasillutillu aallersinnaanngillat.
Bussinut tunngatillugu innuttaasut qanermut assiaquteqarnissaat piumasaqaataammat taavalu issiavissaqaraanni aatsaat ikisoqarsinnaalluni.
Utoqqaat Angerlarsimaffia Qupanuk pulaartunut matuvoq saaffiginniniaraanni uunga: Peter Mattaaq oqarasuaat: 867350.
Oqaloqatigiissutit tamaasa oqarasuaatikkut immaqaluunniit mailikkut ingerlanneqassapput. Tamanna Coronavirusimik tunillaassuisinnaanermik pinaveersaartitsinissamik tunngaveqarpoq.
Neriuppugut tamassi ikiuutaajumaartusi naammagittassusermik, suleqatiginninnikkut paasisinninnermillu.
Kommunimi immikkoortortaqarfiit uunga saaffigineqarsinnaapput:
- Innuttaasunik sullissivik: [email protected] / 867370
- Atugarissaarnermut Immikkoortortaqarfik innuttaasunik tigoqqaanera: [email protected] / 867422
- Saaffiginnittarfik Teknikkimut Avatangiisinullu immikkoortortaqarfik: [email protected] / 867460 / 867461
- Ilinniartitaanermut immikkoortortaqarfik (paaqqinnittarffit, atuareersunut paaqqinnittarfik all.): [email protected] / 867403
- Ilaqutariinnut kiffartuussivik: [email protected] / 866077
- Sisimiuni aalisarnermut piniarnermullu siunnersorti: [email protected] / 863569
- Majoriaq: [email protected] / 867150
Paasisaqarnerugutta nakorsaaneqarfimmiik nutaamik nalilersorneqarpat allanillu malittarisassaqalissappat imal. saaffiginnittarfiit ammaqqilerpata paasititsiumaarpugut.