Asasakka angajoqqaat 5. - 10. klassimi atuartuutillit
august 2020-mi meeqqat atuarfiini atuartunik misissuinermi HBSC-mi, meerarsi peqataanikuuvoq. Meeqqat ilaatigut peqqissusaat, inuulluataarnerat, imigassamik atuinerat, ikiaroornartunik tupanillu atuinerat, kiisalu angajoqqaanit tapersersorneqarnat il.il. pillugit apeqqutinik tunineqarput.
Sisimiuni Maniitsumilu atuarfiit, Qeqqata Kommunia, Paarisa aamma Kaalaallit Nunaanni innutaasut peqqissusaannik ilisimatusarfik angajoqqaanut-unnoqartitsinissamut aggersaapput:
Angajoqqaanut unnoqartitsineq Maniitsumi januaarip 20-ani ingerlanneqassaaq, Sisimiunilu januaarip 21-ani ingerlanneqassalluni.
Angajoqqaanut unnoqartitsinermi meeqqassi peqqissusaat, inuulluataarnerat aamma aanngajaarniutinik atuinerat pillugu misissuinermit inernerit saqqummiunneqassapput. Aammattaaq meeqqassi peqqissusaannut inuulluataarnerannullu siuarsaataasinnaasunik aammalu aanngajaarniutinik tupanillu atuinermik kililiisinnaasunik suliniutinik saqqummiiffigineqassaasi.
Peqqinnerup inuulluataarnerullu siuarsarneqarnissaanut peqataagit
Qeqqata Kommunia Paarisa aamma Kaalaallit Nunaanni innuttaasut peqqissusaannik ilisimatusarfik (SIF) suleqatigalugit Qeqqata Model-imik taaguutilimmik pinaveersaartitsinissamik suliniummik annertuumik aallartitsinikuuvoq. Periuseq taanna Island-imi pinaveersaartitsinermik peqqissutsimillu siuarsaalluni suliaqarnermit isumassarsiorfiuvoq, tassani anguniagaalluni meeqqat inuusuttullu inuulluataarnerisa peqqissusaasalu siuarsarneqarnissaat kiisalu aanngajaarniutinik tupanillu atuinerup apparsarneqarnissaa. Tamanna Qeqqata Kommuniata meerartatsinnut kissaatigaa!
Kommuunip, Paarisa, SIF, atuarfiit, sunngiffimmi neqeroorutit, peqatigiiffiit, innuttaasut minnerunngitsumillu ilissi angajoqqaajususi akornanni qanittumik suleqatigiinnikkut pinaveersaartitsinerup pinissaa pingaaruteqarpoq.
Ilisimasassanik nutaanik pissarsigit oqalliseqataallutillu
Misissuinermit inernerit aallaavigalugit aamma peqqinneq inuulluataarnerlu pillugit ilisimasaqarnikkut, angajoqqaat ukioqatigiiaanik meerartaqartut akornanni oqallinnissamut periarfissaqassaaq. Meeqqat pitsaasumik ingerlalluarfigisaat, kiisalu meeqqat ulluinnarni nukittuneruffigisassaatut angajoqqaat isumaqarfigisaat eqqartorneqassapput.
Ukiuni tulliuttuni HBSC-mik misissuineq ingerlanneqaqqissaaq, taamaalilluta suliniutit aallartinneqartut meeqqat peqqissusaannut inuulluataarnerannullu pitsaasumik sunniuteqarnersut uuttorsinnaassavagut.
Meeqqatta ulluinnarni peqqinerulernissaannik inuulluataarnerunissaannillu qanoq pilersitsisinnaanersugut aggerlutit sunniuteqaqataaffigiuk. Qeqqata Kommuniata meeqqat inuusuttullu peqqissusaat inuulluataarnerallu qaffasissumik pingaartitarivaa, aammalu ilissi suliniuteqarnissigut tapersersuinissigullu suli angusaqarnerusinnaavugut.
Angajoqqaanik unnoqartitsineq meeqqavit/ssi atuarfiata inersuaani aallartinneqassaaq
Covid-19-ip killilersuinera pissutaalluni meeqqavit klassimi alloriarfia malillugu pilersaarut imak ingerlanneqassaaq:
5.-6. klasse: nal. 16:30-19:00
7.-8. klasse: nal. 17:15-19:45
9.-10. klasse: Nal: 18:00-20:30
Unnuup ingerlanerani unnukkorsiortitsisoqassaaq. Tamanna pissutigalugu peqataanissamik nalunaarneq piumasarivarput. Atuarfimmiit meeqqat peqataanissamut nalunaarfissamik angerlaassissaaq, immersoriarlugu klasselærimut tunniunneqartussamik.
Ukiumi matumani aaqqissuussamik assingusumik kommunip nunaqarfiini ingerlatsisoqassaaq.
Aaqqissuussaq meerannut assut isumaqarmat, angajoqqaat tamaasa 5. - 10. klassimi atuartuutillit, aaqqissuussinermi peqataanissaannut kajumissaarpagut.
Takunissat qilanaaraarput!
qeqqata.gl-imi nutaarsiassanut iserlutit Qeqqata-modeli pillugu annertunerusumik atuarit imaluunniit ataaniittut ilisarnaatit smartphone-nnik scannikkit.
