Qeqqata Kommuniani akitsorterilluni tuniniaaneq

Piserusussinnaasunut qatserisartut biiliannik takuniaatitsineq Maniitsumi qatserutaasivimmi Immokkoortortami aqutsisoq Thyge Berthelsen - oqarasuaat 81 36 13 imaluunniit maili tgbe@qeqqata.gl atorlugit saaffiginnissuteqarnikkut isumaqatigiissutigineqarsinnaavoq.

Qatserisartut biiliat taamatut isikkoqartillugu tuniniarneqarpoq tunisinerullu kingorna tuniniaasoq akisussaatinneqarsinnaanngilaq.

Tunisinermi toqqaannartumik aningaasartuutit tamarmik pisisumit akilerneqassapput.

Biili nalunaarsorteqqinneqassappat akiitsuummik akileeqqaartoqassaaq tamannalu pisisup akisussaaffigivaa. Akileraarut pisinermi aningaasat naleqaqatigaat.

Qallunaat aningaasanngorlugu allaganngorlugu neqeroorut kiisalu ateq, najugaq aamma oqarasuaatip normua / emaililuunniit ilanngullugit uunga nassiunneqassapput tunniunneqarlutilluunniit

Qeqqata Kommunia

Teknikkeqarnermut Avatangiisinillu Immikkoortortaq

Kuuttartoq B1077

Postboks 100

3912 Maniitsoq

Ilisarnaat:  Qatserisartut biiliannik Mercedes-Benz A pisinissamut neqeroorut

Pisinissamut neqeroorut allakkat puussaannut matoqqasumut poorlugu tunniunneqarsinnaavoq nassiunneqarsinnaallunilu aammalu kingusinnerpaamik pingasunngorneq, juulip 18-ani nal. 12,00 Saaffiginnittarfimmi tiguneqareersimassaaq. Neqeroorutinik piffissaq eqqorlugu tiguneqartunik ammaaneq ulloq taanna Maniitsumi teknikkeqarnermut avatangiisinullu immikkoortortami nal. 12 pissaaq.

Neqeroorutit allanngortinneqarsinnaassanngillat, piumasaqaatitaqassanngillat nangaassuteqassanatillu.

Tuniniaasup akuersineranit kingusinnerpaamik ullut tallimat qaangiuppata, pisinissamut toqqorsisoqanngikkuni qularnaveeqqusiisoqassaaq.

Neqeroorutinik tamanik Qeqqata Kommunia itigartitsisinnaatitaavoq.

Mercedes-Benz LAF 911/36 paasissutissat annertunerulaartut:

Aquttoq ilanngullugu inuit 6

Nammineq oqimaassusaat 6300kg

Tamakkiisumik oqimaassusaat 9300kg

Stelnr: 32286114241781 (12.05.2009 stelnr. allanngortinneqarnikuuvoq. Siusinnerusukkut stelnr.: 056795)   

4264km ingerlanikuuvoq