Angerlarsimaffimmi ikiorti tassaavoq illit pisariaqartitatit aallaavigalugu assigiinngitsutigut kommunimit ikiorsiissut. Inuttut isumaginermiit pisassanut ikiuunnerusinnaavoq.
Inuttut isumagineq tassaavoq eqqiluisaarnissamut, atisalersornissamut, makinnissamut, nerinissamut ilaalu ilanngullugit ikiorneqarneq.
Pisassanik ikiuunneq tassaavoq angerlarsimaffimmi suliassanut soorlu eqqiaanermut, errorsinermut pisinniarnermullu ikiuunneq.
Innarluuteqaruit imaluunniit piffissap ilaani napparsimallutit timikkut tarnikkulluunniit piginnaasat annikillisimanerat pissutaalluni siullermituut nammineersinnaanngikkallarnerit aallaavigalugu angerlarsimaffimmi ikiorteqalersinnaavutit. Kommunimit illit pisariaqartitat aallaavigalugu naliliinermi qanoq ikiorteqarsinnaanerit aalajangerneqassaaq. Tassa angerlarsimaffimmi ikiortimik pissarsisinnaavutit illit utoqqaaguit, inuusuttuuguit imaluunniit innarluuteqaruit siusinaartumilluunniit pensionisiaqaruit.
Makkuninnga ikiorneqarsinnaavutit:
Imminut isumagineq
Angerlarsimaffimmi suliassat
Angerlarsimaffimmi ikiorteqarneq tulliuttutigut kommunimut qinnutigisinnaavat, piffissaq tamakkiisumik, piffissap ilaanni imaluunniit ilaannakortumik oqilisaatitut ikiorteqarneq. Kisimiittuuguit, nammineq illoqaruit, najugaqatigiiffimmiittuuguit, paaqqinniffimmiittuuguit imaluunniit allamiittuuguit angerlarsimaffimmi ikiorteqalersinnaavutit.
Angerlarsimaffimmi ikiorteqalerniarlutit tullinnguuttutigut saaffiginnissinnaavutit:
•Kommunimi sullissisut aqqutigalugu
• Angerlarsimaffimmi ikiortit allaffiannut 864284 (Sisimiut) sianerlutit
• Napparsimmavimmit angerlartinneqarninnut atatillugu ikiorneqarnissat pisariaqartoq nalilerneqarpat, napparsimmavimmit innersuussumik sanassapput, kingornalu illit angerlarsimaffimmi ikiortinit attavigineqassaatit
Inuttut tamakkiisorlu isigalugu inissisimanerit kommunimit nalilerneqassaaq, taamaalilluni qanoq ikiorneqasinnaanerit aalajangiiffigineqarluni, piffissaq tamakkiisumik imaluunniit piffissap ilaanni atuuttussanngortinneqarluni. Piffisami aalajangersimasumik piginnaanngorsaqqissinnaanerit periarfissaanersoq kommunimit aamma naliliiffigineqassaaq, taamaalillutit piginnaanngorsaqqinnissamut ikiorneqarsinnaallutit. Kommunimit aalajangiineq allakkatigut pissaaq, maalaaruteqarsinnaanermillu ilitsersuuteqassalluni. Pisariaqartitavit allanngorarneri malillugit ikiorneqarneq allanngorassaaq.
Kommuni sullissinermut atatillugu ukiumoortumik pitsaassutsimik inissiisarpoq, tamannalu sulinermut atatillugu pitsaassutsimut nalunaarummi nassuiarneqartarpoq. Tassani inuttut pisassanillu ikiorneqarnissaq pisariaqartilersimagukku, kommunimi qanoq ikiorserneqarsinnaanerlutit neqeroorutit pillugit nalinginnaasumik paasissutissat atuarsinnaavatit.
Link: Hjemmehjælp