Assaqutaq-mi aallaarsimaarneq

Assaqutaq nunaqarfiuvoq inuerunnikoq, qeqertaalluni Sisimiut illoqarfittaaniik kujataani-kangisimmut umiatsiarluni 13 km missaanni ungasitsigisumiilluni. Sisimiuniit umiatsiamik imaluunniit nunamiit ikaartarfikkut ikaarluni qeqertaq tikinneqarsinnaavoq.

Nunaqarfik ullumikkut aasaanerani aallaarsimaartarfittut atorneqartarpoq, soorluttaaq takornarissanut illoqarfimmiunullu sulinngiffeqarnermi kiisalu aavarnermi aalisarnermilu unnuiffissatut periarfissaasoq.

Assaqutaq-mi illut sisamat iluarsartuunneqarnikuupput, taakkulu piniarnermut, aalisarnermut nerisassiornermullu tunngasutigut kiisalu unnuiffissatut atorneqartarlutik. Nunaqarfik aallaarsimaarfittut atorneqarnerusarpoq, atuartuniillu meeqqat atuarfianniit, efterskolimiit, højskolimiit ilinniarnertuunngorniarfinniillu kiisalu utoqqaat angerlarsimaffianniit taavalu ineriartornikkut kinguarsimasunut angerlarsimaffimmiit aamma atorneqartarluni. Aamma ulluinnarlugu tikeraarneqartarpoq, angajoqqaajunerusarput aallaarsimaartunut tikeraartut.

Takornarissat arfernik takusassarsiornerminnut atatillugu takornariartaatillu Assaqutaq alakkartarpaat.

Assaqutaq-mi aallaarsimaarnissamut periarfissat pillugit paasisaqarnerorusukkuit ataani aallaarsimaarnerup ingerlanneqartarneranut attavissatut allassimasut attavigineqarsinnaapput.

Attartortitsisarneq maajimit/juunimiit qaammatit arfinillit missiliorlugit siumut ingerlanneqartarpoq (angallassisinnaanermut sikoqarnera apeqqutaalluni).

Themothæus Filemonsen (+299) 52 63 17
Knud Basse Sørensen (+299) 23 48 93

Mail: bs-byg@greennet.gl