Timersortarfimmi cafeteriaqarpoq, tassanilu nerisassarsisoqarsinnaallunilu imigassarsisoqarsinnaavoq Aammattaaq kisokeqarpoq, tassanilu aamma timigissartarfimmut, aalatitsivimmut helsekabinamullu isernissamut billetsimik pisioqarsinnaavoq, iserneq ataaseq 55 kroneqarpoq, isissummillu quleriarluni atorsinnaasumik pisoqarsinnaavoq 315 kronimik akiliilluni. aammattaaq timigissartarfimmut ukiumut isissutissat assigiinngitsut pisiarineqarsinnaallutik.
Timigissartarfiup, aalartitsiviup helsekabinallu 1. septemberimiit 31. maj tikillugu ammasarfii
Suliffeqarfiit aningaasaliisut immikkut piffissaliunneqarsinnaapput.
Timersoqartigiiffiit timersortarfiit sungiusartarfii ulluinnarni 15:30 aallartissinnaapput unnukkullu aqqarnup tungaanut ingerlasinnaallutik. Arfinngornermi sapaammi sungiusarnerit ullaakkut qulinngiluanut aallartittarput.
Aasakkut timersortarfik sivikinnerusumik ammasarpoq, ammasarfii immikkut saqqummiunneqartarput.
Timersortarfik cafeterialu pisunut assigiinngitsunut attartorneqarsinnaavoq, assersuutigalugu nipilersortitsinermi, timersornermik aaqqissuinerni, festernerni, saqqummersitsinerni allatigulluunniit aaqqissuinerni. Akit periarfissalu pillugit timersortarfiup aqutsisua attaveqarfigiuk.
Uani takusinnaavat Sisimiut Timersortarfiata, Minihallip aammalu Minngortuunnguup atuarfiani eqaarsaartarfiup atorneqarnerinut 2022-mi pilersaarutaasut:
Uani takusinnaavat Minngortuunnguup Atuarfiata eqaarsaartarfiata atorneqartarnera.
Attaveqarfissat
Ilinniartitaanermut Immikkoortortaq
+299 70 21 00
Sisimiut Timersortarfiat
Guutaap Aqq. 2
+299 54 43 03