Atuarfiup pingaarnertut suliassaa tassaavoq meeqqanut inuusuttunullu nipilersornermik ilinniatsitsinissamik neqerooruteqarnissaq. Tamatuma saniatigut piginnaanngorsaanikkut suleqatigiinnikkullu meeqqat atuarfiini nipilersornermik ilinniartitsinermik Serravik ikiuuttarpoq. Serravik aammattaaq meeqqat suli atualinngitsuni immikkut sammisaqarluni meeqqerivinni suliniuteqartarpoq.
Serravik aammattaaq erinarsoqatigiit Crescendo, Serraviup nammineq meeqqanik erinarsoqatigiivi aamma GUX akornanni suleqatigiinnikkut suliniuteqarnikullu erinarsoqatigiinnik ineriartortitsinermik ukiuni amerlasuuni ileqqoqarpoq. Tamanna ilaatigut erinarsoqatigiit ataatsimut erinarsornermut atuakkamik Appittamik saqqummersitsinermik kinguneqarnikuuvoq.
Pattagissamik, guitarimik, bassimik, tumerparpaanik, qarlortaatinik, ataatsimoorluni nipilersuutinik, erinarsoqatigiinnermik / erinarsornermik, atuagarsorluni nipilersornermik, nuutinik ilinniarnermik tusaaniarnermillu ilinniartitsisoqartarpoq. Meeqqanut atuagarsorluni ilinniartitsinermi Music Mind Games pillugu sanarfisaasoq pingaarnerpaajuvoq.
Serravik aammattaaq nipilersornerup kulturillu iluani inunnik ataasiakkaanik ingerlatsinernik, ilinnialernissamut piareersaatitut ingerlatsinernik, immikkut atuartitsinermut tapertaasunik, sungiusaqqilluni ingerlatsinernik kiisalu inuuniutigilernissaanut ilinniartitsinissamullu ilitsersuinissamut suliaqartarpoq.
Serraviup initaani aammattaaq sungiusartarfik Toornaq kiisalu assilissanik eqqumiitsuliorfik ineqarput. Tamanna Serraviup ungasinnerusoq isigalugu kulturikkut atuarfivinngortinneqarnissaa aammalu bacheloritut qaffasissusilimmik Kalaallit Nunaanni nipilersornermik ilinniarfimmik pilersitsinissamut tapertaanissamik anguniagaanik ataqatigiippoq.
Serraviup aammattaaq uani atuarneqarsinnaasutut nalinginnaasumik sunngiffimmi atuartitsineq aqutarivaa.
Allaffiup ammasarfia:
Pingasunngorneq 12-14
Sisamanngorneq 12 – 14
Ilaanissamut nalunaarneq
Iserfissaq Serravik.gl atorlugu qarasaasiakkut ilaanissamut nalunaartoqarsinnaavoq.
Tassunga periarfissaqanngikkaanni ikioqqulluni sianertoqarsinnaavoq allattoqarsinnaavorluunniit.
Attavissatut paasissutissat
Serravik
Nalunnguarfimmut 7A
3911 Sisimiut
Telefon: +299 86 64 60
Mail: serravik@qeqqata.gl