Meeqqanut ukioqanngitsuniit arfinilinnut ukiulinnut 62-nut inissaqarpoq. Meeraaqqerivimmi ininut marlunnut 24-it avitaapput, meeqqerivimmilu ininut marlunnut 38-it aveqqallutik.
Nuniaffimmi sulisut 15-upput, pisortaq, eqqiaasoq erruisorlu ilanngullugit.
Piffissap ilaani sulinermik misiliisisoqartarpugut.
Ammasarfiit
06:45-17:00 ammasarpoq, 6. jan. & 1. maj ulluinnaagaangata ullup affaa ammasarpoq. Nalliuttuni matoqqasarpoq.
Nerisarneq
Meeraaqqerivimmi Nal. 10:30 aamma 13:30 nerisarput.
Meeqqerivimmi Nal. 11:00 aamma 14:00 nerisarput.
Aggiussisarneq
Meeraq kingusinnerpaamik nalunaaqutaq qulingiluanut meeqqerivimmut apuutereersimassaaq.
Peqquteqavilluni kingusinnerusukkut takkutissappat, napparsimappat friissappalluunniit nalunaaqutaq qulingiluanngortinnagu meeqqerivimmut nalunaarutigineqassaaq.
Taamatut piumasaqarnitsinnut peqqutaavoq, illup iluani arlaannik pilersaaruteqartoqartillugu suliassaqartillugillu, pingaartikkatsigu meeqqap aallaaqqaataaniit peqataanissaa.
Pingaartipparputtaaq meeraq angerlarsimaffimmini nerereersimalluni qasuerlunilu sinissimalluni takkutarnissaa.
Peqquteqavillunili angerlarsimaffimmi meeraq nerisimanngippat, periarfissaqarpoq meeqqerivimmi qorlortitanik angajoqqaap nammineerluni meeqqap nerisinnissaanut.
Pinnguamik nassartarneq
Meeraq pisariaqartitsinini aallaavigalugu pinnguamik uloriananngitsumik, akisuujunngitsumik meeqqallu erligisarinngisaanik atsiorsimasumik nassarsinnaavoq, ullaakkut inersuarmi pinnguarisinnaasaminik. Ininili ullormik aaliangersimasoqarsinnaavoq, pinngussanik nassatanik pinnguarfimmik.
Ilisimasariaqarporli nassataq tammassagaluarpat aserussagaluarpalluunniit meeqqeriviup akisussaaffigisinnaanngimmagu taarsersinnaanagulu.
Ipadimik nassartarneq
Ulluni inini Ipaderfiusuni meeraq Ipadiminik nassarsinnaavoq, ilisimasariaqarporli aamma taanna ajortissagaluarpat tammassagaluarpallu meeqqeriviup akisussaaffigisinnaanngimmagu taarsersinnaanagulu.
Sammisaqartitsineq
Sammisaqartitsinerit ullaakkut qulip qeqqa iloqqasunngornermik aallarnerneqartarput. Tassani ilanngullugu meeqqanut ilisimatitsissutigineqartarput ullormut susoqartussaanera aammalu sulisut qanoq inissisimanerinik.
Erseqqissaatigineqassaaq nalinginnaanngitsumik pisussaqartillugu, angajoqqaat siumut ilisimatinneqartarmata.
Nuniaffiup anguniagai
➢ Meeraq toqqissilluni nuannaarlunil Nuniaffimmiinnissaa
➢ Meeqqap peqqinnartumik inooriaaseqarnissaa
➢ Meeraq imminut tatiginermik, inoqatiminullu tatiginninnermik peqarnissaa
➢ Meeraq imminut naleqartatut, allallu naleqartut isiginnilernissaa
➢ Meeraq imminut ataqqinissaa aammalu allanut ataqqinninnermik pigisaqalernissaa
➢ Meeqqap nammineq aammalu kultur-ikkut kinaassusaanik ilinniartinneqassaaq
➢ Meeraq nammineersinnaanermik ilinniartinneqarnissaa
➢ Meeraq inooriaatsimut, avatangiisitsinnullu ataqqinninnissamik naleqqussarnissamillu ilinniartinneqarnissaa
➢ Meeraq taamaasilluni sassarsinnaalernissaanut inerisarneqarniassammat
➢ Meeqqap killiffia aallaavigalugu inerisarneqarnissaa
➢ Angajoqqaanut qanilaartumik meeraq pillugu sulisut attaveqatigiilluarnissaq
Nuniaffiup piumasaqaatai
➢ Meeqqamut akisussaasut pingasuunissaat, angajoqqaat pisinnaanngitsillugit soorlu ataatsimiigiarnernut assigisaanullu peqataasartussaq pingatsiunneqarluni
➢ Meeraq atsiorsimasunik isersimmateqarnissaa, aamma isumannaallisaaneq pillugu illumit piaartumik anisariaqalersinnaaneq piareersimaffiginiarlugu
➢ Meeraq silamut naleqquttunik atisaqartinneqassaaq
➢ Meeraq atisassamaateqarnissaa, aammalu suli nangeqartartut angerlalerunik atugassaannik nangissamaateqarnisssaa
➢ Meeraq 38*C sinnerlugu kissarninissimappat, ullormulluunniit arlaleriarluni timmissimappat, tuniluussinnaasumilluunniit nappaateqalersimappat, angajoqqaanut akisussaasunulluunniit nalunaarutigineqartarput aaneqarnissaat pillugu. Taamaattut meeqqerivimmiissinnaanngimmata, sulisullu napparsimasunik paaqqutaqarnissamut assassaqanngimmata.
➢ Meeraq ataavartumik nappaateqarnermigut nakorsaatitunngippat, sulisut nakorsaatitortitsinissaq pisussaaffiginngilaat. Pisariaqavippalli inini sulisut oqaloqatigineqarsinnaapput qanoq aaqqiisoqarsinnaanera pillugu.
➢ Aneerussiviit, sikkilit qamutit assigisaallu nalillit, sillimaniarneq pillugu kælder-imut ilineqartarnissaat innersuutigaarput. Matup eqqaanut ilineqarsimasut aneertarfitta avataanut inaalinneqarsinnaapput, tamaattoqarpallu angajoqqaat namminneq tamanna akisussaaffigissavaat.
➢ Sapinngisamik meeraq meeqqerivimmut nuunnginnerani nangeqartarunnaarnissaa aammalu kingulliartarnera annikinnerpaaffianiilersimanissaa innersuussutigaarput.
* Meeraq atisassamaateqarlunilu nangissamaateqarnissaa.
Atuisut ataatsimoorfiat
Atuisut ataatsimoorfianiipput meeqqat, angajoqqaat aammalu Nuniaffimmi sulisut.
Ukiumut pingasoriarluni ataatsimut ataatsimiisinneqartarput.
Kiisalu ukiumut marloriarluni meeqqap ineriartornermini killiffia pillugu, inini sulisut aggersaasarlutik.
Ininilu sulisut pisariaqartitsineq aallaavigalugu, meeraq pillugu oqaloqatigiissutissaqartillugu aggersaasarlutik.
Aammattaaq meeraq meeqqerivimmiilernerani, imaluunniit inimut allamut nuunnerani, qaammatip siulliup iluani aallartisarnermi naapeqatigiilaarnissamut inini sulisut aggersaasarput.
Ukiumut pilersaarut uani takujuk