Suliat piffissamik eqqorluaalluni sulianut mittarfik soqutiginaateqarluarpoq. Ilaatigut aasaanerani umiarsuarnut takornariartaatinut ilaallutik takornarissat inuttallu paarlaannissaannut periarfissaqarpoq.
Ilutigalugu Kangerlussuaq Europap Ameriakku akornanniinneratigut nunat tamaat akornanni nassiussaleriffiunissaanut periarfissaavoq.
Kangerlussuaq Kangerlussuarmi inuutissarsiuteqarnikkut periarfissarpassuit ilaat soorliit pingaartinneqassappat?
Takornarialerinissami akuersissutinut tunngatillugu periarfissat pitsaanerpaamik qanoq atorluarsinnaavagut?
Umiarsuit takornariartaatit pajuttaatillu Kangerlussuarmut talissinnaaqullugit, talittafimmik 10 meterinik itissusilimmik pilersitsinissaq, tassungalu 14 km-imik aqqusinniornissaq salliukkusupparput.
Kangerlussuup eqqaani takornarialerinissami akuersissutinik atuutitsilerusuppugut. Mittarfimmi akileriisillugit biilinik misileraavissamik nassiussaleriffissamillu pilersitsisoqarnissaa sulissutigerusupparput, soorluttaaq nunaqarfiup aqqusingerini misilieraarsoqarsinnaalernissaa angorusukkipput UNESCO nunarsuarmioqatigiinnut kingornussassanngortitsiniarnissaq salliukkusupparput, matumani nunatamut tamatumunnga nunaannaap pilersaarusiorfigineqarnissaa ilanngullugu.
Kangerlussuarmi avatangiisitigut unammillernartut iluarsiivigerusuppagut, issittumi atuilluarsinnaanermut takussutissanik takutitserusulluta.
Mittarfiup sermersuup qanittuaniinneratigut, silaannaallu allanngujuinneratigut atortunik issittumi atorneqarsinnaasussanik soorlu biilinik misileraavissatut soqutiginaateqarpoq. KISS imaluunniit Kelly Ville-mi silaannarmik ilisimatusarnerit aallaavigalugit Sermersuarmi qanitarisaaniluunniit ilisimatusarnerit
maannangaaq suliassaqartitsingaatsiareerput.
UNESCO-p nunarsuarmioqatigiinnut kingornussassanngortitassaq takornarissanik ornigarluarneqalissasoq naatsorsuutigineqarpoq. Sermersuarmi, Hotel-ip avannaatungaani qaqqami, Black Ridgemi aamma KellyVille-p eqqaani unnuisarfiliorfissat illuaqqiorfissallu immikkoortinneqareerput.