Qeqqata Kommunia – Eqeersimaarnartoq unammillernartorlu
Ria Olsen Qeqqata Kommuniani Sisimiuni Innuttaasunut kiffartuussivimmi sulilerpoq aggustip aallaqqaataani 2015. Sulilinnginnermini allaffimmiutut naammassisimavoq, Qeqqata Kommunianilu Teknikkimut avatangiisinullu immikkoortortaqarfimmi suliffimmik misiliisimalluni.
2009-mi Ria siullerpaamik Qeqqata Kommuniani sulilerpoq. Tassanilu sulileqqaarami misigisaa aggustimi sulilerneranut assingoqaaq.
- Taamani ulloq siulleq suliartoqqaarama suliffimmi kisimiippunga, nammineq suliassat iserfiginiartussaallugit. Uangali isinni suliassat aallartipallakkaangakkit ilikkapallattarpunga.
Taamaattumik Riap isaani Qeqqata Kommunia suliffik eqeersimaarnartuullunilu unammillernartuuvoq.
Suliffik ulapaarnartoq
Ria Olsen ulloq siulleq suliffini pillugu oqaluttuarpoq.
- Suliartoqqaarama ningiorisassaralu marluinnaalluta suliartorpugut, ilagut allamik pisassaqarmata. Ulloq siulleq ulapeqaanga, saniatigullu iserfiginiarsaralugit suliassat suleriusissallu assigiinngitsut. Ulloq siulleq suliartorneq qaangiuttoorpunga, angumeriniagassaqarnermik marluinnaanikuulluta ullormut assorsuaq ulapikkatta, Ria Olsen oqaluttuarpoq.
Riap taama aallartisinneqarnini ajorinngilaa
- Immaqa siornatigut Qeqqata Kommuniani sulereersimallunga ilisimasakka aamma atorluarakkit.
Riap Qeqqata Kommunia suliffigissallugu toqqissisimanartutut isigigamiuk qinnuteqarfissatut toqqarsimavaa.
- Massakkut Qeqqata Kommunia suliffigissallugu tatiginarnerutikkakku, allaffeqarfiit allat ikilisaallutillu nutsiterileqqagamik illoqarfinnut allanut.
Ria qinnuteqarami sukkasuumik akineqarsimavoq atorfinilluni.
- Suliffiga nuannareqaara, Ria naggasiivoq.