Qaasuitsumi Kunngikkormiup isikkivia
Pingasunngornermi seqinnariup ataani Sisimiuni kunngikkormiut tikeraaneranni tu-sagassiutitigut qulequttat imassaleqinngikkaluaqisut Qeqqata Kommuniata takorna-riaqarnikkut pilersaarutit aallaqqaataat ammarpaa, tassa Qaasuitsumik nittarsaasi-nissami.
Sisimiuni Nasiffimmut aqqutaata qaaniippoq Nasiffik, illoqarfiup innuttaanit sukisaarsaarfittut nasiffit¬tullu atorluarneqaqisoq, tassa imaaliallaannaq tamulugassanik nererusaartilluni, illoqarfik qimerluualaar¬lugu immaqaluunniit umiarsuit naserusaajutigalugit.
Takornarissamulli, kujammut qiviarsimaartumut ullumikkumut suli ilisimaarineqanngilaq, isikkivik tas¬saammat Itillip Qaqqai isigalugit kujasinnerusumullu Kangaamiut tungaannut Qaasuitsup isikkivianiit isigineq.
Qaasuitsoq isigalugu takornariarpassuarnut tassaavoq misigisaq imaannaanngitsoq, Qeqqata Kommu¬niatalu Arctic Circle Region-imut tikeraat tamaasa allarpassuarnik misigisaqartikkusuppai. Taamaammat kommuni allagartaliinikuuvoq, tassanilu Qaasuitsup killinga takuneqarsinnaalluni Nasiffiullu oqaluttuas-sartaa ilaagillunittaaq.
Tamaalilluni allagartap anorimut, silap pissusaanut aserorterituunullu qanoq aasaanerani akiuussinnaa-tiginera paaserusullugu, tamatumanimi umiarsuarlutik takornariarpassuit allallumi soqutiginnittut isik-kivimmik kusanartumik nuannersumik misigisaqarsinnaammata. Pilersaarutillu malillugit ingerlasoqas-sappat, aasap tullissaanut isuma tamanna ineriartortinneqassaaq, taamaalillunilu Arctic Circle Region-imi sumiikkaanniluunniit isikkivinnut kusanartuniit qaasuitsumik misigisaqartoqarsinnaassammat.
Isikkivik nuannersorsuaq nuannernerulerporlusooq, allagartap ullormi nivinngarnerani ataqqinartorsuar-nit takuniarneqarmat, tassalu kunngissat pingasuusut aqqusaarmassuk isikkivillu misigiartorlugu, taamalu pisortatigoortuunngikkaluamik atoqqaartillugu. Oqaaseq eqqortoq kunngikkormiup isikkivia.