Pisortaanerit nutaat marluk
Nuannaarutigingaarparput Aningaasaqarnermut Ilinniartitaanermullu pisortaanertut nutaatut Dorthe Løvstrøm Mathiesen, ulloq 1. august 2026 atorfinittussaq, tikilluaqqusinnaagatsigu.
Dorthe Avannaata Kommuniani Aningaasaqarnermut Inuussutissarsiornermullu Pisortatut atorfeqarsimavoq. Aammattaaq Avannaata Kommunianut nuunnginnermini Qeqqata Kommuniani aningaasaqarnermut pisortaanikuuvoq. Kommunimi aningaasanik aqutsinermi nunamilu aningaasaqarnermut aqutsinermi suleriutsinik ilisimasaqarluarnermigut, ukiorpassuarnilu aqutsinermi sulinikkut misilittagaqarnermigut, kommunimi aqutsisut qullersaannut piginnaasanik nukittorsaaqataassaaq.
Ilutigalugu nuannaarutigaarput Charlothe Petersen Mørkhøj Atugarissaarnermut Pisortatut 1. 1. september 2026 atorfininnissaanut aamma tikilluaqqusinnaagatsigu.
Charlothe nuna tamakkerlugu isumaginninnermut suliassaqarfimmik ilisimasaqarluarpoq. Ilisimatusarfimmi adjunktiuvoq, isumaginninnermi siunnersortitut ilinniartunut atuartitsisarluni. Isumaginninnikkut suliassaqarfimmut tunniusimalluinnarpoq sulisunullu suliatigut siunnersoqatigiinnissamut pisarialimmut tunniusseqataarusulluni. Taassuma saniatigut misilittakkani atorlugit atorfiit akimorlugit suliatigut ineriartortitsinermi sulisunik nukittorsaassaaq – allaffimiuniit sullissisuniillu isumaginninnermi siunnersortinut – suliatigut pitsaassutsikkullu innuttaasunik sullissinissaminnut piareersimalluarniassammata.
Dorthe aamma Charlothe Qeqqata Kommunianut tikilluaqqunissaat assut qilanaaraarput.
Pisortat nutaat marluk
Laasi Kristiansen ulloq 15. Juni 2026 Sisimiuni Teknikkimut Avatangiisinullu pisortatut atorfinippoq.
Laasi teknikkimut avatangiisinullu suliassaqarfimmut ilisimasaqarluarpoq. Siusinnerusukkut sanaartugassanik suliaqarnikuuvoq siunnersortitullu sulinermi misilittagaqarlualersimalluni, kingullertigut sanaartornermut pisortatut. Suliamut ilisimasaqarluarnermigut misilittagaqarnermigullu suliassaqarfiup ineriartortittuarnissaanut pingaarutilimmik tunniusseqataassaaq.
Taassuma saniatigut Ole Thorleifsen ulloq 11. August 2026 Maniitsumi Ilinniartitaanermut pisortatut atorfinitsissavarput.
Ole ilinniartitsisutut ilinniarnikuuvoq Tuluit Nunaanniillu International Studies in Education-imi Mastereqarluni. Massakkut Atuarfik Kilaaseeqqami ilinniartitsisutut atorfeqarpoq, aqutsinermi ilinniartitaanermullu suliassaqarfimmi ukiorpassuarni misilittagaqarnermigut perorsaanikkut piginnaasarpassuarnik nunarsuarmilu atuartitsinermi isiginnittariaaseq atorfimmut nassassallugit.
Qeqqata Kommunianut sisamaasut tamarmik tikilluaqqunissaat assut nuannaarutigaarput.
Suliatigut aqutsinermilu piginnaasaqarluarput, kommunip ineriartortittuarnissaanut tunniusseqataasussat taavalu innuttaasunut, sulisunut suleqatigisanullu naleqassutsimik pilersitsisussat.
Aqutsisooqatigiinni ilaasortat nutaat suleqatigilluarnissaannut qilanaarpugut neriullutalu suliffeqarfimmi suleqatitaassavut tikilluaqqulluarumaarisi.