Sisimiuni Ilaqutariinnermut kiffartuussivik – Perorsaaneq pillugu pikkorissartitsineq

2009-mi septembarip ulluini 22-aniit 24-anut perorsaaneq pillugu angajoqqaanut siullermeerluni Sisimiuni Ilaqutariinnermut sullissivik pikkorissartitsivoq. Peqataasut peqataanerminni sunik pissarsiaqarsimanersut, qitornaminnillu perorsaanerminni pitsanngortitsinissamut pikkorissarneq atorsinnaaneraat pillugit Tusaataat 2009-mi septembarip 24-ani aallakaatitsivoq. Peqataasunut pikkorissarneq iluatsitsilluarfiusimavoq.

Pikkorissarneq ima soqutiginartigaaq ilaqutariinnermut kiffartuussivik pingasoriarluni pikkorissaaqqissalluni. Perorsaaneq pillugu pikkorissaanissaq tulleq oktobarip 26-aniit 28-ata tungaanut ingerlanneqassaaq malitsigisaanillu novembarip 6-ianiit 8-ta tungaanut kiisalu novembarip 16-ianiit 18-iata tungaanut 2009-mi.



Pikkorissarnerup naammassereernerata kingorna pikkorissarnermut peqataasimasut tamarmik maani ilaqutariinnermut kiffartuussivik meeqqanik perorsaaneq eqqarsaatigalugu perorsaasoq Annalisa Ostermann ilitsersuisoralugu siunnersuisoralugulu tapersersueqatigiinnissamut peqataanissaannik neqeroorfigineqassapput.