Kommunimi pilersaarummut tapiliussaq nr. 38-tut, Akiani inissiaqarfik Sisimiut pillugu tamanu tusarniut
Kommunimi pilersaarummut tapiliussaq nr. 38-tut siunnersuut 2010-mi apriilip 13-iani Aningaasaqarnermut Ataatsimiititaliamit kiisalu 2010-mi apriilip 27-ani Kommunalbestyrelsimit akuersissutigineqarpoq. Kommunimi pilersaarummut tapiliussaq sapaatip akunnerini arfinilinni piffissami 2010-mi maajip 3-aniit juunip 14-ianut tamanut oqallisissianngortinneqarpoq. 2010-mi maajip 3-ani allagaarsiinikkut matumani kommunip nittartagaani www.qeqqata.gl-imi aamma allagarsiinikkut tamanut saqqummiunneqarpoq.
Akiani inissianik nutaanik akuleriiaanik sanaartornissaq periarfissaqalerniassammat, Kommunimi pilersaarummut tapiliussaq nr. 38-tut siunnersuut suliarineqarpoq. Immikkoortumi pilersaarut A20 ullutsinnut naleqqukkunnaarmat kommunimi pilersaarusiornermi tapiliussaq suliarineqarpoq.
Immikkoortumi pilersaarut A20 2006-imi akuersissutigineqarpoq, 2008-milu aasakkut immikkoortumi sanaartorfigissaaneq aallartinneqarluni. Sanaartorfigissaanerup ingerlanneqarnerani aqqusinniorfissat il.il. illuartinneqarput. Tamatumalu kinguneraa, sanaartorfiusussatut pilersaarutit ilaat sanaartorfiusinnaajunnaarmata, taamaattumillu allamut inissiisoqartariaqalerluni.
Immikkoortumi pilersaarut A20 suliarineqarmalli ilaqutariinnut ataatsinut/affarleriinnik illuliornissami sanaartorfissatut immikkoortinneqartumit 150 m2-imit annikinnerusumik sanaartorfissamik noqqaassuteqartoqarnerusimavoq, ilaatigut sanaartorfigissaanermi akigitinneqartoq patsisaalluni. Noqqaassutigineqartut kommunalbestyrelsip naammasserusuppai annertussutsillu assigiinngisitaarnerusut qulakkeerusullugit, taamaalillunilu assigiinngisitaartumik sanaartornissamik nalinginnaasumik kissaateqartoqarnera tamatumuuna taperserneqarluni. Ataasiakkaani sanaartorfigissaanermi aningaasartuutit qaffariarnissaat pinngitsoorniarlugu, sanaartornermi akulikissuseq immikkoortumi pilersaarut A20-miittoq malinneqassaaq.
Sisimiuni kissaatigineqartunut tunngatillugu illoqarfinni illunik sanaartornissami, tallimat tamarmik immikkut 400 m2-it missaani sanaartorfissallit aningaasaleeqataaffiginiarlugit Namminersorlutik Oqartussat aammattaaq nalunaaruteqarnikuupput, tamannalumi kommunalbestyrelsip akuersaarusuppaa. Tamatumani pilersaarusiornermi tunngavissaq nutaaq pisariaqartinneqarpoq, tamannalumi kommunip pilersaarusiorneqarneranut tapiliussap matuma suliarineqarneranut patsisaaqataavoq.
Pilersaarummut siunnersuut kommunip nittartagaani www.qeqqata.gl-imi takuneqarsinnaavoq, imlt. Qeqqata Kommuniata, teknikkimut Avatangiisinullu Immikkoortortaani Pilersaarusiornermi immikkoortortaqarfianut piniarneqarsinnaalluni.
Oqaaseqaatigiumasat upaaruaassutissalluunniit tusarniutigineqarnerata nalaani tunniunneqarsinnaapput, uunga: Qeqqata Kommunia - Teknik- og Miljøforvaltningen - Postboks 1014 - 3911 Sisimiut.
Oqaaseqaatit uparuaatillu kingusinnerpaamik 2010-mi juunip 14-iani nal. 15.00 kommunimut tunniunneqareersimassapput.
PDF-inngorlugu uani aasinnaavat (9,7Mb)