Ataasinngornermi juunip 5-aniit– tallimanngornermut juulip 9-anut Sisimiut illoqarfianni, Ka¬ngerlussuarmi, Itillimi Sarfannguanilu ’Sapaatip akunneranik eqqiliusaarfeqassaagut’.
Ullut tallimat taakku atorlugit akiliutitaqanngitsumik eqqaavissuarmut saviminikunik tunniussiso¬qarsinnaassaaq. Neqeroorut inuinnarnut suliffeqarfinnullu neqeroorutaavoq.
Sapaatip akunnerani tassani saviminikut suugaluilluunniit, soorlu biilit, umiatsiaaqqat, umiatsiat, qamuteralaat kiisalu entreprenørit maskiinaat akiliutitaqanngitsumik tunniunneqarsinnaassapput.
Sisimiut illoqarfianni annertunerunik igitassaqaraani, soorlu umiatsiat, biilit lastillit usisaatit kiisalu entreprenørit maskiinaat
piginnittup eqqaavissualiaassinnginnermini Teknikkimut Avatangiisinullu immikkoortortaq attaveqarfigissavaa. Allaffeqarfiup isaariaani sulisunut oqarasuaatikkut 86 74 61 imlt. 86 74 62-ikkut saaffiginnittoqassaaq, imlt. allakkamik igitassap assilinera ilanngullugu tunni¬ussisoqassaluni.
Kikkulluunniit saviminikunik ’sapaatip akunnera eqqiluisaarfimmi’ tunniussisut, ilumut nammin¬neq pigisaminnik tunniussinertik uppernarsassavaat. Imaassinnaavorlu piginnittoq ilumut pigisami¬nik kommunimut tunniussisutut atsiortinneqartoq.
’Sapaatip akunnera eqqiluisaarfik’ naappat saviminikunik igitassanik eqqaavissuarmut tunniunneq tonsimut 1500 koruuneqalissaaq, tamatumalu saniatigut igitassat allat ikumasinnaasut ikumasin¬naanngitsullu m3-mut 33 koruuneqarlutik.,