Illoqarfimmi immikkoortumut pilersaarummi 38-mi – Akiani inissiaqarfik– aalajangersakkat sanaartorfissanut atuuppput.
Sanaartorfissat atorneqanngitsut aqqaneq-marluk 1.7,1.9 aamma 1.14-1.23
ilaqutariinnut ataatsinut illut qalia atorneqarluni ataatsimik quleriilinnut,
annerpaamillu 8,5 meterinik portutigisunut illunut ataasiakkaanut siammasissunik
pukkitsunillu sanaartorfissatut immikkoortitaapput.
Sanaartorfissani 1.7,
1.9, 1.14, 1.15 aamma 1.16 annerpaamik sanaartorfiusinnaasoq 150
m2-iuvoq.
Sanaartorfissamut ataatsimut sanaartorfigissaanissamut siumoortumik
akiligassaq 232.257 koruuniuvoq.
Sanaartorfissani 1.17- 1.23 annerpaamik
sanaartorfiusinnaasoq 120 m2-iuvoq.
Sanaartorfissamut ataatsimut
sanaartorfigissaanissamut siumoortumik akiligassaq 185.805 koruuniuvoq.
Sanaartorfissat atorneqanngitsut pingasut 2.1, 2.2 aamma 2.3 qaliai
atorneqarlutik ataatsimik quleriilinnut annerpaamillu 8,5 meterinik
portutigisussanut sanaartugassanut akulikitsunut-pukkitsunut immikkoortitaapput.
Sanaartorfissaq 2.1-imi annerpaamik sanaartorfiusinnaasoq 540
m2-iuvoq.
Sanaartorfissamut ataatsimut sanaartorfigissaanissamut siumoortumik
akiligassaq 836.125 koruuniuvoq.
Sanaartorfissani 2.2-mi 2.3-milu annerpaamik
sanaartorfiusinnaasoq 450 m2-iuvoq.
Sanaartorfissamut ataatsimut
sanaartorfigissaanissamut siumoortumik akiligassaq 676.771 koruuniuvoq.
Sanaartorfissat atorneqanngitsut tallimat 3.1, 3.2, 3.3, 3.4 aamma 3.5
pingasunik quleriilinnik annerpaamillu 12,5 meterinik portutigisunik
inissialiorfissatut immikkoortitaapput. Annerpaamik sanaartorfiusinnaasoq 500
m2-iuvoq.
Sanaartorfissamut ataatsimut sanaartorfigissaanissamut siumoortumik
akiligassaq 774.190 koruuniuvoq.
Sanaartorfissaq atorneqanngitsoq 4.1 pisiniarfeerassamut ataatsimik
qulereeqarluni annerpaamik 5,0 meterinik portutigisussamut immikkoortitaavoq.
Annerpaamik sanaartorfiusinnaasoq 125 m2-iuvoq.
Sanaartorfissamut ataatsimut
sanaartorfigissaanissamut siumoortumik akiligassaq 193.547 koruuniuvoq.
Kommunip pilersaarusiorfigineqarneranut tapiliussaq 38-mi ”kommunip pilersaarusiorfigineqarneranut tapiliussamut nunap assinga”-ni ilanngussaq 1-imi nunaminertat sumiinneri takuneqarsinnaapput. Immikkoortitami A20-mi sanaartorfissat allat nalunaarummut matumunnga ilaanngillat.
Qinnuteqarnissamut atatillugu nunap assingi ilassutit
tunniunneqassapput.
Kommunip pilersaarusiorfigineqarneranut tapiliussaq,
nunap assingi ilanngunneqartut il.il. kiisalu qinnuteqarfissaq
www.qeqqata.gl-imi imaluunniit Sisimiuni Teknikkimut avatangiisinullu
Immikkoortortamut saaffiginnissuteqarnikkut takuneqarsinnaapput.
Sanaartorfissat nalunaarutigineqartut 2010-mi aggustip 15-iani
tunniunneqarsinnaanissaat naatsorsuutigineqarpoq.
Nunaminertamik
inniminniinermik qinnuteqaammut ilanngunneqassapput:
• Sanaartornerup
qaqugukkut aallartinneqarnissaanik, qaqugulu naammassineqarnissaanik
naatsorsuuteqarnermik piffissaliussaq ilanngunneqassaaq.
•
Sanaartorfigissaanermut akiliutissartaata akilerneqarsinnaanissaanut
sanaartorniakkamullu atatillugu nunaminertap atorneqarnissaanut qinnuteqartoq
uppernarsaasinnaassaaq.
Qinnuteqaatit siuliani paasissutissanik ilaqartinneqartut kisimik
suliarineqassapput. Qinnuteqaatip paasissutissanik naammattunik eqqortunillu
imaqartinneqarnissaa, qinnuteqartup nammineerluni
akisussaaffigaa.
Paasissutissatut piumasarineqartunut, uppernarsaatissanut
qinnuteqarnissamillu paatsuungasoqarlunilu nalornissuteqartoqassappat,
imaluunniit paasissutissanik annertunerusumik pisariaqartitsisoqassappat,
qinnuteqarfissap qaangiutinnginnerani piffissaagallartillugu Sisimiuni
Teknikkimut Avatangiisinullu Immikkoortortamut saaffiginnittoqarsinnaavoq.
Nunaminertamik atugassinneqarnissamik qinnuteqaat uunga nassiunneqassaaq: Qeqqata Kommunia, Teknikkimut avatangiisinullu Immikkoortortaq, Postboks 1014, 3911 Sisimiut. Sanaartorfissatut kissaatigineqartut tulleriiaarlugit qinnuteqaammut ilanngunneqarsinnaapput. Qinnuteqaatit kingusinnerpaamik ataasinngornermi 2010-mi aggustip aappaani nal. 14.00 tunniunneqarsimasut, piffissaagallartillugu tunniunneqarsimasutut isigineqassapput.
Piffissaagallartillugu qinnuteqaatit tunniunneqartut ataatsikkut
tunniunneqarsimasutut isigineqassapput. Sanaartorfissanut ataasiakkaanut
sanaartortussatut piukkunnartut arlaqassappata, makitsinikkut
agguaassisoqassaaq.
Qinnuteqaateqarfissaq qaangiunniariartoq agguaassinissaq,
makitsinikkullu agguaassisinnaaneq piaartumik ingerlanneqassapput, tamatumalu
kingorna nunaminertamik inniminniisimasup annerpaamik qaammatit pingasut
qaangiutsinnagit nunaminertamik atugassinneqarnissaminik qinnuteqassalluni.
Qeqqata Kommunia nunaminertamik atugassiinerani, sanaartorfigissaanermut
akiliutissaq kingusinnerpaamik ulloq taanna akilerneqareersimassaaq,
nunaminertamillu atugassiinerup tunniunneqarnissaani sanartorfigissaanermut
akiliutissap akilerneqarsimaneranik uppernarsaammik kommuni
piumasaqaqqaarsinnaatitaavoq.
Kommunip pilersaarusiorfigineqarneranut tapiliussaq nr. 27 – Illoqarfimmi immikkoortumut pilersaarusiornissamut killiliussat – aamma Nunaminertanik aqutsinissamut maleruagassat kiisalu Illoqarfimmi immikkoortumut pilersaarut 38 – Sisimiuni Akiani najugaqarfissiaq – naapertorlugit nunaminertamik inniminniinissamut nunaminertamillu atugassinneqarnissamut ingerlariaasissaq naapertorneqassapput.