Sisimiut eqqaani unioqqutitsisumik motorcross-inik angallannerup kingunerisaanik nunat innarlerneqarsimapput.
Pingaartumik illoqarfiup kangiatungaani Pujortup Kuuata Alanngorsuullu nalaanni kiisalu mittarfiup eqqaani Asummiuni nuna naasullu innarlerneqarsimapput. Nuna annerttumik innarlerneqarsimavoq, aatsaallu ukiorpassuit qaangiuppata iluarsisinnaalluni.
Aqquserngup avataani motorcross-inik, knallert-inik allanillu angallatinik angallanneq inerteqqutaavoq. Ukiukkut nuna naasullu innarlerneqarsinnaajunnaarlugit apilluarsimatillugu qamuteralaat qamussuillu nunami angallassinnaapput. Immikkut pisoqartillugu nunami angallattoqarnissaa immikkut akuersissutigineqarsinnaavoq.