Sisimiuni Utoqqaat Angerlarsimaffiat najugaqartut atisaannik sulisullu sullisaannik ullumikkut errorsiveqarpoq. Suliassaq taanna avataaniit sullissisumik suliariumannittussarsiuunneqarpoq.
Suliassamik taassuminnga suliarinnittuusinnaasut matumuuna neqerooruteqaqquneqarput.
Suliassaq oqorutit qaliinik, saagunik, najugaqartut atisaannik sulisullu sullisaannik errorsisarnermik imaqarpoq. Suliaqarfinni nalinginnaasuni qaammammut 1600 kg. missaani errorneqartarput. Atisanik errorsinerup saniatigut, suliassap ilagivaa Utoqqaat Angerlarsimaffianut aallertarneq tunniussisarnerlu.
Suliassap immikkuualuttortai annikitsukkuutaartortaanullu nassuiaat september-ip 8-aniit 2010 uunga saaffiginninnikkut piniarneqarsinnaapput:
Qeqqata Kommunia
Qullersaqarfiup allatseqarfia
Makkorsip Aqq. 2
3911 Sisimiut
Imaluunniit uunga mail-imut saaffiginninnikkut: qeqqata@qeqqata.gl
Neqeroorutit allakkat puussaanut matoqqasumut poorlugit kingusinnerpamik september-ip 29-iani 2010 nal. 10.00 tunniunneqassapput Sisimiuni sullissivimmi Qullersaqarfiup allatseqarfianut Makkorsip Aqq. 2, tassani neqerooruteqarsimasut akornanni takkullutik peqataarusuttut ilagalugit Kommunip ataatsimiittarfiani neqeroorutit ammarneqassallutik.