Sisimiut kommunalbestyrelserisimasaata 1984-imiilli iloqqorilersimavaa, ataatsimiinnermini kingullermi inummik ataatsimik arlariinnilluunniit norsornaasiisarneq. Ileqqoq taanna Qeqqata Kommuniata nangippaa.
Sisimiut Kommunerisimasaani maannalu Qeqqata Kommuniani inuit soqutiginnillutik, eqiasuissutsimikkut suliniuteqarnermikkut nammineerlutillu suliniuteqarnermikkut nersortarialimmik suliniuteqarnermikkut nersornaasiisarnissaq siunertaavoq.
Sisimiuni 2010-mi nersornaat borgmester Hermann Berthelsen-imit inunnut tullinnguuttunut tunniunneqarpoq:
Anna Olsen, Sisimiut. Anna Royal Greenland-imi piffissami sivisuumi aalajaalluni sulinikuuvoq, ukioq mannalu ukiuni 45-ni nalliuttorsiornikulluni. Anna sulisunik aqutsisutut namminerlu sulisuinnartut sulisuunikuuvoq. Eqiasuitsuuvoq sulerusussuseqartoq aqutsisutullu nuannarisaalluni, kisianni nammineq aalajangernermigut 2005-imi aqutsisuujunnaarpoq, nalinginnaasumillu sulisunngorluni.
Agathe Jonathansen, Sisimiut. Agathe Sarfannguani peroriartorpoq tassanilu angajoqqaaveruppoq, qatanngutiminullu mikinerusunut ”anaananngorluni”. Agathe inuusuttuulluni nakkarpoq qitiiarlunilu, tamatumalu kingunerivaa inuunermi sinnerani innarluuteqalernera. Taamaakkaluartorli inuunermini pingaartitanik suliniuteqartuartuuvoq, ilaatigut Blå Kors-ini, tassanilu ataqqinaammik ilaasortaanngortinneqarnikuulluni. Peqatigiiffimmi suli suleqataavoq, siulersuisunilu ilaasortaalluni.
Simon Olsen, Sisimiut. Simon sulilluarnermigut ilaatigut borgmesteriunikuuvoq, KNI-p siulersuisuini siulittaasuunikuulluni, Royal Greenland-ip tunisassiorfiani pisortaanikullluni, naalakkersuisuni inatsisartunilu ilaasortaanikulluni. Tamakku saniatigut Simo aamma timersoqatigiiffimmi SAK-mi siulittaasuunikuuvoq, maannakkullu Sisimiut TV-ani siulittaasuulluni.
Nersornaatinik tunniussineq Sisimiuni ataasinngornermi decembarip 13-iani ingerlanneqarpoq.