Kommunip pilersaarusiorfigineqarneranut tapiliussaq sapaatip akunnerini arfinilinni 2010-mi juulip 27-aniit septembarip 7-iata tungaanut tamanut oqallissaarutigineqarnikuuvoq. Kommunalbestyrelsip novembarip 23-ani ataatsimiinnermini Kommunip pilersaarusiorfigineqarneranut tapiliussaq inaarutaasumik akuersissutigaa, decembarillu aallaqqaataani tamanut nalunaarutigalugu.
Aqqusinersuarmi mittarfikup atuleqqinneqarnissaa periarfissinniarlugu, kommunip pilersaarusiorneqarneranut tapiliussaq suliarineqarpoq. Mittarfik qulimiguulinuinnaq miffissatut, inissikkiartorfissatut, aallarfissatullu kisimi atugassiaavoq. Inuussutissarsiutilinnit apeqquteqaatigineqartup akuersaarneqarnissaanik Kommunalbestyrelsip kissaateqarnera, tassuunakkullu namminersortut ilaatigut takornarissanik angallassisinnaanissaannik periarfissinneqarnissaat tamatumunnga tunuliaqutaavoq. Kommunalbestyrelsip nalilerpaa, Aqqusinersuarmi qulimiguulinut mittarfik siunertamut tassunga naleqqutissasoq. 1998-imi Sisimiut illoqarfiani 799 meterinik takitigusumik mittarfittaarnissaa tikillugu qulimiguulinnut mittarfik atorneqarpoq. Air Greenland-ip timmisartunik Dash-7-inik nunap iluani timmisartuussineranut Sisimiuni mittarfiup kiffartuuppaa, taamaakkaluartorli timmisartut nammineq pigineqartut aamma kiffartuuttarpaat, soorluttaaq Air Greenland-ip qulimiguuliutai tassannga aamma aallartartut. Qulimiguulinnut mittarfiup atorunnaarneqarneratigut, Illoqarfimmi immikkoortumut pilersaarutitigut D7-ikkut ”Sunngiffeqarnermut sanaartukkat inuusuttunut siunertaqartut” aqqutigalugu nunap immikkoortortaa tamanna teknikkikkut atortuutinut atugassiaanikuulluni inuusuttunut sammisassaqartitsivissatut atugassianngortinneqarluni 2000-imi allanngortinneqarpoq. Nunap immikkoortortaa taanna ullumikkut inuusuttut ornittagaattut atorneqartup, qulimiguulinnut mittarfittut atugassianngoqqillugu kommunip pilersaarusiorfigineqarneranut tapiliussatigut ugguuna allanngortinneqarpoq.
Pilersaarutissatut siunnersuut kommunip nittartagaani www.qeqqata.gl-imi takuneqarsinnaavoq, imlt. Qeqqata Kommuniata, Teknikkimut Avatangiisinullu Immikkoortortaani Pilersaarusiornermi immikkoortortaqarfianut piniarneqarsinnaalluni.
PDF-inngorlugu.