Sisimiuni
Pisarneq malillugu
ukioq 2010 Sisimiuni timersortartut, Kalaallit Nunaanni pissartanngorniuunnerni
ujaminnassimasut nersorniarlugit, Qeqqata kommuniani borgmester Hermann
Berthelsen siuttoralugu kiisalu kultureqarnermut ataatsimiisitaliami ilaasortat
peqatigalugit agguaasisoqarpoq Kunngit pingasuni 6. januar 2011.
Ujammit
katillugit 309-t agguaaneqarput timersoqatigiiffinnut ukununnga: SAK håndbold,
BAT 98, SSP langrend, SSP Alpin, Tae kwom do, Qajaq Sisimiut, Snowboard aamma
SAK badminton.
Ilanngullugu ukioq 2010 timersornermik aallutaqartut immikkut
nersornaaserneqartut ukuupput:
Ukioq 2010 Timersullammak:
Niels
Berthelsen, Tuutu. Arpattartut peqatigiiffiannik Ralak´09-mik
pilersitsisuusoq, Greenland Adventure Race-mi ajuugaasimasoq, Aasiaat Midnigth
Marathon-imi ajugaasoq kiisalu Berlin Marathon-imi angusarissaartoq, kiisalu
Sisimiormiunik arpatsitsisartuusoq.
2010-mi timersornikkut
Piukkunnaatilik:
Jonathan Jonathansen & Lars Lennert Sørensen.
Inuusukkaluaqalutik angusarissaarlualersut nunatsinni nunanilu allani. Meeqqanut
sungiusaasarnermikkut timersuummut siuarsaalluartut aammalu ataqqinninnissanik
takutitsilluartut.
2010-mi
sungiusaallammak/aqutsisuullammak:
Esaias & Karoline Lennert.
Meeqqat Assammik Arsartartut siuarsarniarlugit sungiusaasutut aqutsisutullu
sullissilluartut. Angajoqqaanik katersuutitsinermikkut meeqqat
tapersersorluarneqarnissaanik aallussisut kiisalu ukioq 2010-mi sungiusagaat
Nuummi børnecup-imi nr. 2-iusut aamma Diskobugtimi nr. 1-iusut.
2010-mi timersornikkut Ataqqinaamik
tunineqartoq:
Hansignâraq Boassen. Ukioqqortusigaluarluni
peqataajuartoq Assammik arsarluni aamma Badmintonerluni Kalaallit Nunaanni
pissartanngoqataasarpoq. Taamatut takutitsiuarnermigut Sisimiuni
ilisimaneqarluartoq.
Maniitsumi
Maniitsumi aamma angutinik arnanillu
timersullammannik akissarsitsitsineq ingerlanneqarpoq. Ukiorlu manna toqqakkani
pingasuusuni nukappiaqqanik angutinillu akissarsititsisoqarluni.
Meeqqani:
13-inik ukiulik Jakob-Siverth Møller Tae kwon
do klubbimeersoq. Jakob-Siverth Møller immikkoortuni pissartanngorniunnerni
kuultinik marlunnappoq, meeqqallu GM-erneranni kuultinik pingasunnalluni.
Taamaalillunilu 2010-mi Tae kwon do-mi pissartaaninngorluni.
Inuusuttuni:
17-inik ukiulik Aqqalooraq S. Petrussen
KS-69-mi Langrend klubbimeersoq. Aqqalooraq S. Petrussen 2010-mi AWG-mi
peqataavoq, ajoraluartumilli saqqarmiortaarani, kalaallinilli ukioqatiminik
peqataasunit angusarinnerpaalluni. Tamatuma saniatigut GM-ernermi marlunnik
sølvinnalluni, GM-imilu angajullerni nukarlerpaatut peqataagami bronzinnalluni.
Pisortatigoortuunngitsumillu rulleskiit atorlugit GM-ernermi kuultinik marlunnik
pissarsilluni.
Angajullerni:
27-inik ukiulik Jens N. Larsen Tae kwon do
klubbimeersoq. Jens N. Larsen EM-imi marlunnik kanngussaasannappoq, GM-imilu
kuultit pingasut pissarsiaralugit, taamaalillunilu pissartaaninngorluni.
Tamatuma saniatigut klubbimini sungiusaasuuvoq, klubbilu GM-ernermi ajugaasut
tulliattut inissilluni.
Decembarip 19-ni 2010-mi timersortarfimmi innuttaasunik
juullerpalaartitsinermi agguaanneqarput.