Isumasioqatigiisitsineq Sisimiuni 2011-mi apriilip 30-aniit maajip
aallaqqaataata tungaanut ingerlanneqassaaq.
Sisimiuni Aatsitassarsiornermut
ilinniarfiup saniatigut Nunaoil A/S, ARTEK, Nutaaliorfik, Qeqqani
Inuutissariornermut siunnersuisooqatigiit Qeqqatalu Kommunia
aaqqissuisooqataapput.
Isumasioqatigiisitsinermi inuiaqatigiit kalaallit inooriaatsimikkut allannguisariaqarnissaat pingaartinneqarluni eqqartorniarneqarpoq. Ilinniartitaanermut tunngasut, inuutissarsiornerup aaqqissuussaanera nunallu iluani aaqqissuussaaneq ingerlatareriikkatigullu piareersimassuseq kiisalu isumannaallisaanermut,- peqqissutsimut aammalu avatangiisinut tunngatillugu unammillernarsinnaasut annertunerusunik sammineqarnerussallutik.
Sisimiuni Aatsitassarsiornermut Ilinniarfiup aatsitassarsiornermut immikkoortumi ilisimasalikkanik katersuivittut akisussaaffini pimoorullugu tiguaa, Kalaallillu Nunaanni uuliasiorneq pillugu isumasioqatigiinnissamut pingaarnertut aaqqissuisuulluni.
Aatsitassarsiornermut ilinniarfik nunanit eqqaamiutsinnik uuliasiorfiusuniit Norge-miit Canada-miillu inunnik arlalinnik peqataasoqarnissaanut neriorsuiffigineqareerpoq. Norge-p kitaa sinerlugu aammalu Newfoundland-ip avataani tunisassiortoqarmat, taakku misilittagaannik ilinniarsinnaaneq periarfissaqarluassaaq, taamak oqarpoq Aatsitassarsiornermut Ilinniarfiup inspektør-ia Hans Hinrichsen.
Sisimiuni Entreprenøritut aatsitassarsiornermullu ilinniarfik 2011-imi januaarip aallaqqaataaniit Aatsitassarsiornermut ilinniarfinngortinneqarpoq, taamaalillunilu ilinniartitsinerup ineriartortitsinnissaanut aatsitassarsiornermullu tunngasunut tamanut ilisimasanut katersuinissamut akisussaasunngorluni. Una isumasioqatigiinneq annertooq aaqqissuutissallugu piareersimagatta nuannersuuvoq, Hans Hinrichsen oqarpoq.
Paasissutissat annertunerusut:
Aatsitassarsiornermut Ilinniarfiup
inspektør-ia Hans Hinrichsen: (+299) 532988