airplanebooksbriefcase business cogs cross election entertainment fish house law lockmedicalpeopleselfservices socialtax

Assartuussineq pillugu Isumalioqatigiissitamut ammasumik allakkat

Isumaliutissiissummi inuutissarsiutinut Nuullu avataanut pissutsinut tunngasut isiginiarneqarsimanngillat.
11. maj 2011

Isumaliutissiissummi inuutissarsiutinut Nuullu avataanut pissutsinut tunngasut isiginiarneqarsimanngillat.

Qeqqata Kommuniata Assartuussineq pillugu Isumalioqatigiissitap isumaliutissiissutaa misissuartaarsimavaa, aammalu Assartuussineq pillugu Isumalioqatigiissitap siulittaasua kiisalu Ineqarnermut, Attaveqarnermut Angallannermullu Naalakkersuisoq isumaliutissiissut pillugu oqaliiseqatigisimallugit.

Isumaliutissiissut soqutiginaateqartutut Qeqqata Kommuniata isigivaa, neriuutigalugulu siunissami angallannermut tunngasutigut nuna tamakkerlugu oqallinnissami toqqammaviulluarumaartoq.

Taamaakkaluartorli tunngaviusutigut pingaarutilitsigut arlalissuartigut Qeqqata Kommunia tupaallaateqarsimalluni. Ilaatigummi Qeqqata Kommunia isumaqarpoq, isumaliutissiissummi inuutissarsiutinut tunngasut Nuullu avataani pissutsinut tunngasut amigaataasut.

Qeqqata Kommuniata Assartuussineq pillugu Isumalioqatigiissitamut takorluukkat arlallit uparuaassuteqaatiginiarpai, tassa ajornartorsiutaasussatut isumaqarfigigatsigit. Tamatumani ilaatigut Kangerlussuup mittarfittut matuneqarnissaa kiisalu Sisimiut Kangerlussuullu akornatigut aqqusiniornissaq taaneqarsinnaallutik.



Qeqqata Kommuniata sammisat ammasumik allakamigut erseqqissaateqarfigivai, tassa kommuni isumaqarmat tamakku eqqarsaatigeqqittariaqartut kiisalu ammasumik aamma politikkikkut oqallisigineqartariaqarlutik.

Assartuussineq pillugu Isumalioqatigiissitamut allakkiaq tamakkerlugu uani atuarsinnaavat