Borgmester Hermann Berthelsen-ip ippassaq radiokkut nutaarsiassani Nuummi pisut pillugit tusakkaminut tupigusuallappoq, tassami Sisimiuni Kangerlussuarmilu Issittumi Sakkutooqarfeqarnissamik periarfissaqarnersoq Illersornissami ministerip suleqatigiisitaasa misissorsimarpasinngimmassuk.
Illersornissamut ministeri apriilimi Kangerlussuarmi pilersaarutaasumik ataatsimeeqatiginissaa qilanaarinikuugaluarpara. Danmark-imili illersornissamut tunngasuni isumaqatigiinniartoqarneranik patsiseqartumik taamaatiinnarneqarpoq. Soormiuna Illersornissamut ministeri tullissaani Qeqqata Kommunianut tikeraanngitsoq? Uffa Nuuk nunaqarfiillu marluusut Kangilinnguit Narsarsuaq-lu tikeraarneqartut, Hermann Berthelsen aperivoq.
Maannalu apeqqutigalugu Illersornissaqarfiup tungaaniit
kukkuluttortoqarsimanersoq, puiguisoqarsimanersoq, Naalakkersuisut tungaaniit
akuleruttoqarsimanersoq imaluunniit naapertuilluartumik
ingerlatsisimannginneq
patsisaasimanersoq. Isumaqarpunga, qanoq
pisoqarneranik inuiaqatigiit ilisimatinneqarnissaminnik pisinnaatitaaffeqartut.
Nuup, Kangilinnguit Narsarsuullu akornanni naapertuilluartumik
unammilleqatigiittoqarnissaa qilanaarinikuugaluarpara, borgmesteri
oqarpoq.