Umiatsiat, illut qimmiliviillu eqqaanni upernaakkut takujuminarsaaneq

Upernaakkut takujuminarsaaneq aallartilerpoq, takujuminarsaanissamullu tamatta peqataasariaqarluta.
Illuutillit, umiatsiaatillit, inissiarsuarni najugallit, suliffeqarfiit umuarsualivillu pigisap isuaniit sanimut 25 meterip iluani imaluunniit eqqaamiorisap ungasissusiata qeqqa tikillugu takujuminarsaanissaminnut pisussaatitaapput.

Qimmilivillit taamatulli qimmilivimmi eqqaani takujuminarsaanissaminnut aamma pisussaatitaapput.

Sisimiut:
Puussiarsuit qernertut kommunip sannavianut aaneqarsinnaapput. Takujuminarsaaneq naammassineqarpat, puussiarsuit eqqakkanik imallit aqquserngup killinganut ilineqassapput. Kommunip sannavianut oqarasuaat 86 43 22-mut sianerit, taava eqqagassat aaneqassapput.

Maniitsoq:
Puussiarsuit Teknikkikkut Avatngiisinullu imikkoortortaqarfimmi ingerlatsinermullu immikoortortami tunniunneqassapput, mobil 52 04 35. Puussiarsuit eqqagassallu katersat aqquserngup killinganut iliorarneqarsinnaapput, ingerlatsinermut immikkoortortaqarfimmit aaneqarumaarmata.

Sisimiuni, Kangerlussuarmi, Sarfannguani Itillimilu peqatigiiffinnut, atuartunut il.il.

Peqatigiiffiit, atuaqatigiit il.il. Sisimiut illoqarfiani 2011-mi upernaakkut takujuminarsaanissamut peqataanissaminnik kissaateqartut, nunaminertamik takujuminarsarusutaminnik innersuunneqarnissaminnut qinnuteqassapput.

Qinnuteqaatit kingusinnerpaamik 2011-mi juunip aallaqqaataani uunga tunniunneqarsimassapput:
E-mail: qeqqata@qeqqata.gl
imaluunniit: Teknikkimut Avatangiisinullu immikkoortortaq, Qeqqata Kommunia, Postboks 1014, 3911 Sisimiut.

Kangerlussuarmi, Itillimi Sarfannguanilu upernaakkut takujuminarsaanissamut peqataanissamut aamma qinnuteqartoqarsinnaavoq. Nunaqarfinni sullissivinnut saaffiginnittoqassaaq.

Nunatamik ataatsimik takujuminarsaaneq 2000 koruuninik akissarsissutigineqartartarpoq.

Attaveqarfissap aqqata, najugaata oqarasuaataatalu normuata nalunaarutiginissaat eqqaamallugu.

Upernaakkut takujuminarsaaneq pillugu uani annerusumik atuaagit

Upernaakkut takujuminarsaaneq pillugu ilitsersuut naatsoq pillugu nassuiaat aariarlugu atuaruk

Immikkoortunut takujuminarsagassanut takussutissiaq aariarlugu takuuk

Upernaakkut takujuminarsaaqataanissamut qinnuteqarfissaq immersugassaasoq uunga aajuk

Annerusumik paasissutissat Teknikkimut Avatangiisinullu Immikkoortortami, oqarasuaat: 86 74 60-imut, 86 74 61-imut imaluunniit 86 74 62-imut attaveqarnikkut pissarsiarineqarsinnaapput.