Ileqqoq malillugu juunip aallaqqaatani meeqqat
ulluat nalliussineqarpoq. Qeqqata Kommunia tamakkerlugu atuarfiit meeqqeriviillu
assigiinngitsutigut ulloq malunnartippaat.
Nalunnguarfiup Atuarfiani
atuaqatigiit ilaasa Sisimiuni Kommunip allaffia aqqusaarpaat, tassani borgmester
Hermann Berthelsen-imit naapinneqarput meeqqallu ulluanni
pilluaqquneqarlutik.
Maniitsumi ullup ingerlanerani assigiinngitsunik arlalinnik sammisassaqartitsisoqarpoq, soorlu ilaatigut meeqqat inersimasullu tasiorlutik erinarsorlutillu illoqarfimmi angalaarput. Sammisassat ilaqutariinnut kiffartuussiviit Piareersarfimmilu atuartut suleqatigalugit aaqqissuunneqarput.
Kangerlussuarmi aammattaaq sapaatip akunnera tamakkerlugu sammisassanik arlalinnik aaqqissuisoqarnikuuvoq aammalu meeqqat ulluat isiginnaartitsinermik, erinarsornermik meeqqanullu filmertitsinermik malunnartinneqarnerulluni.
Sisimiut
Illoqarfimmi peqatigiiffiit aaqqissuussaannik arfininngornermi
timersortarfimmi meeqqat ulluat malunnartinneqassaaq. Aaqqissuussinermi tassani
timersortarfiup eqqaani Guutaap aqqutaaniit Saamualip aqqutaani sangusarissap
tungaanut aqqusineq, arfininngornermi juunip sisamaani nal. 10:00 aamma 19:00
akornanni matoqqatinneqassaaq.