Timersullammatsitsisarneq 1999-mit aallartinenqaartoq ukiut 13-issaat januarip 6-ani Sisimiut Timersortarfiani ingerlanneqarpoq nal 14.00-mit 16.00 qaangilaarnerata tungaanut.
Ukioq timersorfiusimasoq 2011 aallaavigalugu kingumut Qeqqata Kommunia nunatsinni pisortatigoortumik unammersuarsimasunik 1-2-3-nngorsimasut ujamminik agguaasoqarpoq. Ukioq 2011-mi ujammit katillugit 268-it Sisimiunut apuunneqarsimapput.
Timersullammaap ingerlanneqarnerani assigiinngitsunik aliikkusersuisoqarpoq. Tae kwondo-mik takutitsisoqarluni, isiginnaartitsisartut Pakkutat mitaarlutik, atisaarniarfik Anuni timersuutinik takutitsilluni, Valerius Nielsen Pakkutanit quujanartumik isiginnaartitsilluni aammalu naggataatigut inuit sisamaasut nersornaatisinneqarlutik.
Nersornaaserneqartut ukuupput:
cSungiusaallammak: Jørgen Leander SSP arpattartut/Ralak ´09
Timersullammak: Aqqaluartaa Olsen SSP arpattartut
Ataqqinaat: Johannes Reimer Tae kwondo