Ukiumut atuarfiusussamut 2012-2013-mut 1. klassemut allatsinnissaq pissaaq sisamanngorneq 15. marts 2012 nal. 12.00-ip 16.00-illu akornanni.
Sisimiut illoqarfianni atualersussat tamarmik allatsissapput Minngortuunnguup Atuarfiani, assassortarfimmi ini nr. 52-mi ilinniartitsisullu inaanni.
Meeqqat 2006-mi inuusut kiisalu meeqqat 2005-mi inuusut suli atuarlersimanngitsut allatsikkiartussapput. Kuisinnermut allagartaq imaluunnit inuup normuata uppernarsaataa nassarneqassapput.
1. klassit sisamat pilersinneqassapput: klassit marluk Minngortuunnguup Atuarfiani, kiisalu klassit marluk Nalunnguarfiup Atuarfiani.
Taamaatuumik siumoortumik oqaatigineqarsinnaanngilaq atuarfimmik kissaatigisat eqqortinneqarsinnaanersut, kisiannili allatsinnerup kingorna piaartumik angajoqqaat allakkatigut nalunaarfigineqassapput meerartik atuarfimmi sorlermi atualissanersoq.