Arfininngornermi januaarip 12-ni nuna tamakkerlugu kulturikkut unnussiuaqataaffiussaaq.
Kangerlussuarmi, Maniitsumi Sisimiunilu Kulturikkut unnussiuaaqatigiinnissami illoqarfinni aaqissuutanik periarfissarpassuaqassaaq.
Qeqqata Kommuniani naleqartitat ataatsimoornerlu pingaartinneqassapput, taamalu Maniitsumi Sisimiunilu kommunip allafissuinut aggersinnaallutit, eqqaamiutillu ilasseqatigalugit videomik ataatsimiinnermi atortakkat atorlugit. Imaluunniit Kangerlussuarmi hallemi nereqatigiinnissamut erinarsuataaqatigiinnissamullu aggersinnaavutit.
Silami pisussat soqutiginerugukkit, Sisimiuni HTX-imi atuartut Taseraliup silataani apummik ilusilersuinissaat malinnaaffigisinnaavat, Maniitsumilu peqatigiiffiit atuarfiillu kommunip allaffissuata sioraani apummik ilusilersuillaqqinnisaatissallutik.
Maniitsumi Sisimiunilu kommunimi pisortaanerup kommunip pingaartitaanik tallimaasunik saqqumiilluni oqaluttuutissavaatit. Tamatuma kingorna kaffeqarlunilu teeqassaaq Qeqqata Kommuniatalu immikkut kaagiliaa.
Matumani Kangerlussuaq, Maniitsoq aamma Sisimiut unnuk Kulturisiorfimmi pisussat atuarsinnaavatit.