Ulluni makkunani Maniistumi alumiiniumik aatsiteriffiliornissamik pilersaarut sammineqarpoq. Maniitsumi innuttaasut suleqatigiissitat, Inatsisartut Inuutissarsiornermut Ataatsimiititaliaat, Inuu-tissarsiornermut Aaatsitassanullu Naalakkersuisoq Ove Karl Berthelsen, sumiiffimmi politikerit soqutigisaqaqatigiillu allat alumiiniumik aatsiteriffiliornissamik pilersaarut oqallisigissallugu illo-qarfimmi naapisimaarput.
Sisamanngornermi februaarip 2-ani alumiiniumik aatsiteriffiliornissami soqutigisaqaqatigiit assi-giinngitsut, innuttaasut aggersakkat innuttaasullu allat soqutiginnittut, katersortarfimmi unnukkut nal. 19-imiit 22-imut innuttaasunik ataatsimiititsinissamut aggersarneqarput.
Ataatsimiinnermi Maniitsumi innuttaasut suleqatigiissitat, peqatigiiffik Against Aluminiumssmelter in Greenland, peqatigiiffik Aatsitsivik Soqutigaarput taamatullu atuaqatigiit ataatsit Island-ip Kan-gaiani Fjardarbyggd-imi paasissimasatik saqqumiutissavaat. Tassa 2011-mi maajimi Qeqqata Kommuniata taamatullu Inuutissarsiornermut Aatsitassanullu Naalakkersuisoqarfiup aaqqissugaa-nik tikeraaramikku misigisimasaminnik. Taamatut tikeraartitsinerup siunertarisimavaa, paasissutis-sanik katersuinissaq alumiiniumillu aatsiteriffeqarnikkut misilittakkanik avitseqatigiinnissaq.
Inatsisartut Inuutissarsiornermut ataatsimiititaliaat innuttaasunik ataatsimiititsinermi peqataassaaq. Maniitsumi tikeraarnerminnut atatillugu aamma Maniitsumi innuttaasunik suleqatigiissitanik taama-tullu peqatigiiffik Against Aluminiumssmelter in Greenland, peqatigiiffik Aatsitsivik Soqutigaar-put, Inuutissarsisiutitigut Siunnersuisoqatigiit kiisalu kommuni peqataassallutik.
Inuutissarsiornermut Aatsitassanullu Naalakkersuisoq Ove Karl Berthelsen alumiiniumik pilersaarut pillugu saqqummiussissaaq. Tamatuma saniatigut aamma Kalaallit Nunaanni annertuumik suliffis-suaqarfiliassatigut killissarititaasut saqqumiutissallugit.
Innuttaasunik ataatsimiititsinerup naammassiartornerani neriivimmiittunut apeqquteqarsinnaaneq ingerlanneqassaaq, tassaniissallutillu Inatsisartut Inuutissarsiuteqarnermut ataatsimiititaliaat, Naa-lakkersuisoq Ove Karl Berthelsen, Qeqqata Kommuniani borgmesteri Hermann Berthelsen aamma borgmesterip tullia siulleq Karl Lyberth, aggersimasuniit apeqqutinik oqaaseqaatinullu akissuteqar-sinnaassallutik.
Maniitsumi innuttaasut suleqatigiissitaanni siulittaasup Jaakutoqaq Heilmann-ip innuttaasunik ataatsimiititsinissaq qilanaaralugu oqarpoq:
- Aammaarluta alumiiniumik pilersaarusiaq oqallisigisussanngoratsigu nuannaarutigivara, ataatsi-miinnermilu saqqumiunneqarumaartussat assigiinngitsut qilanaaralugit. Assigiinngitsunik soqutigi-sallit taama amerlatigisut katerisissinnaagatsigit nuanneqaaq, illoqarfitsinnilu alumiiniumillu aatsi-teriffiliornissami pilersaarutit assigiinngitsut oqallisiginissaat qilanaarivara, tassa illersuisut isorin-nittullu peqataaffigisinnaasaanni.
Taamatut innuttaasunik ataatsimiititsinissaq innuttaasut suleqatigiissitaannik, peqatigiiffinnik inuu-tissarsiutaatilinnillu aaqqissuutaavoq, tamakkulu Island-imut paasisassarsiornermi peqataasimallu-tik.
Paasissutissat annertunerusut
Annertunerusumik apeqqutissaqaraanni innuttaasut suleqatigiissitaanni siulittaasoq Jaakutoqaq Heilmann oqarasuaatikkut angallattakkakkut 52 17 54 attavigineqarsinnaavoq.