Ukioq atuarfiusussami 2012/2013-imi 1. klassimi atualertussat allatsiortorput.
Maniitsumi atualersussanut allatsinnerit februaarip 22-ni 23-nilu ingerlanneqarput. Atualernissamut allatsittut 30-upput, aggustimilu atuagaasivilerlutik aqerluusaasivilerlutillu atuariartornissaminnut piareerlutik.
Kangaamiuni atualernissamut allatsittut arfineq-pingasuupput.
Sisimiuni atuarfinnut marluusunut atualernissamut allatsinnissaq sisamanngornermi marsip 15-iani nal. 12.00-ip 16.00-illu akornanni Minngortuunnguup Atuarfiani ingerlanneqassaaq.
Tallimanngornermi nal. 12.00 Sarfannguani Itillimilu atualernissamut allatsinnissat ingerlanneqassapput, Kangerlussuarmili marsip 28-ni nal. 12.00 atualernissamut allatsinnissamut utaqqisariaqassallutik.
1. klassimut allatsinnissaq pillugu annertunerusumik paasissutissat uani atuarsinnaavatit.