Qeqqata Kommuniani aningaasaqarnermut ataatsimiititaliami ilaasortat kommunimilu pisortaaneq ataasinngorneq marsip 12-iani Ilulissiassapput. Marsip 12-ianiit 15-ata tungaanut Naalakkersuisut aaqqissuutaannut isumasioqatigiinnissamut peqataajartorlutik.
Kommunit akornanni isumasioqatigiinnissami kommunit borgmesterii aningaasaqarnermullu ataatsimiititaliani ilaasortaasut, kommunini pisortaanerit aningaasaqarnikkullu pisortaasut ilaatigut sumiiffinni oqaasissaqaqataaneq oqallisigissavaat, atugarissaarnissap aningaasaqarnerullu 2025-p tungaanut patajaatsuunissaa qulakkeerniarnissallugit.
Qeqqata Kommuniata borgmesteria Hermann Berthelsen nunatsinni brogmestereqatini pingasuusut assigalugit, kommunini atugarissaarnissaq aningaasaqarnerullu 2025-p tungaanut patajaatsuunissaa pillugit iliuuseriniagassatigut saqqumiussisussaavoq.
Nalakkersuisut nittartagaanni/quppersagaanni isumasioqatigiinnissamut tunngasut annertunerusumik atuarsinnaavatit.