Arfininngornermi aggustip 25-ani Sisimiuni bmx aamma skatertarfik nutaaq atoqqaartinneqassaaq.
Atoqqaartitsineq nal. 14:00 aallartissaaq, kommunalbestyrelsimit aallartitamik oqalugiarnertalimmik. Takkussimasunut pølseqarlunilu sodavand-eqassaaq.
Arsaattarfiup pioreersup ilassutaanik Nalunnguarfiup Atuarfiata tunuatungaani aasap ingerlanerani kommuni asfaltimik nutaamik siammarterinikuuvoq aammalu bmx-ertartunut skate-ertartunullu majorallammik pisinikuulluni. Bmx-ertarfiup inuusuttut ornittagaata Nutaqqap eqqaani nunaminertaq aneertarfik taarsissavaa.
Bmx-ertarfik Urban Greenland sk8 foundation suleqatigalugu pilersinneqarpoq. Bmx-ertartunut nunaminertap attuumassuteqartumut skatertartunut bmx-ertartunullu betonbowle ”Grønlandsbowlen” pilersinnissaanut Urban Greenland sk8 foundation suliarinnittuuvoq.