Kommunip pilersaarusiorneqarnerani tapiliutissaq nr. 47 , 2012-imi oktobarip 16-iani Aningaasaqarnermut ataatsimiititaliamit 2012-imilu oktobarip 25-ani Kommunalbestyrelsimit inaarutaasumik akuersissutigineqarpoq. Kommunip pilersaarusiorneqarnerani tapiliussaq piffissami 2012-imi apriilip 20-aniit 2012-imi junip allaqaataata tungaanut tamanut tusarniutaanikuuvoq. Tamanut saqqummiineq 2012-imi novembarip 30-ani kommunip nittartagaani www.qeqqata.gl saqqummiinikkut pivoq.
Pilersaarummik allannguineq Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17. november 2010-meersoq naapertorlugu ingerlanneqarpoq.
Utoqqaat angerlarsimaffiata siunissami allilerneqarnissaanut pisariaqartitsisinnaaneq naammassiniarlugu Kommunip pilersaarusiorneqarnerani tapiliussaq una suliarineqarpoq. Tapiliussaq aamma immikkoortumi pisiniarfimmik nutaamik pilersitsinissamut pioreersullu allilerneqarsinnaaneranut periarfissiivoq.
Pilersaarummut siunnersuut Qeqqata Kommunia, Teknikkimut Avatangiisinullu immikkoortortaq, Pilersaarusiornermut immikkoortortamut saaffiginninnikkut tunniunneqassaaq.