Qeqqata Kommuniani kommunalbestyrelsi 2012-imi Kangaamiuni, Maniitsumi Sisimiunilu nersornaasiillunilu ataqqinaasiivoq.
Kangaamiuni Jensinnguaq Larsen ilaatigut ukiorpassuanngortuni Sanningasoq tungujortu-mi, KNAPP-mi nunaqarfinnilu aqutsisuni suleqataasarsimanerani ataqqinaasigaavoq. Ataq-qiinaat kommunalbestyrelsimi ilaasortamit Efraim Olsen-imit decembarip 14-ni nalliuttorsi-ualaarnertalimmik tunniunneqarpoq.
Sisimiuni ukioq manna pingasunik nersornaasiissoqarpoq. Lydia Olsen ilaatigut Sisimiuni KGH-mi aningaaserivimmilu sulilluarsimanerani nersornaaserneqarluni. Karl H. Mikkelsen ilaatigut peqatigiiffinni siulersuisunilu peqataalluarsimanerani nersornaasigaalluni. Sisimiuni Kalattortartut Sisimiuni kulturikkut malunnaateqarluartumik suliaqarnerani nersornaasigaallutik.
Nersornaatillu Taseralimmi tallimanngornermi decembarip 14-ni borgester Hermann Ber-thelsen-imit tunniunneqarlutik.
Klaus Berthelsen Maniitsumi ilaatigut timersoqatigiiffimmi Kaassassummi suleqataalluarsi-manermini ataqqinaaserneqarpoq. Jakob Lyberth Maniitsumi aallarnisaasarsimanerminut ataqqinaasigaalluni. Tamatumanilu borgmesterip tullia Karl Lyberth decembarip 19-ni tunniussisuulluni.
Nersornaasiinerit ataqqinaasiinerillu siusinnerusukkulli Maniitsup Kommunerisimasaani kiisalu Sisimiut kommunerisimasaani ingerlanneqartarsimapput. Taamalu pisarneq Qeqqata Kommunianit ingerlateqqinneqarluni.