Maniitsumi utoqqaat illuat "Neriusaaq" ukioq manna suliffeqarfitsialattut
Kalaallit Nunaanni suliffigissaaneq pillugu siunnersuisoqatigiinniit
toqqarneqarpoq.
Ukioq manna unammisitsinermi suliffeqarfiit pingasut
peqataapput, siunnersuisoqatigiinnillu nalilersorneqareerlutik tarnikkut
avatangiisigissaanerpaatut "Neriusaaq" toqqarpaat.
Ippassaq Utoqqaat illuanni ningioq Arnannguaq Heilmann Christensen-ip Qeqqata
Kommuniani sulisuinut tamanut nuannaaqaluni nutaarsiassatsialammik
tusarliussaqarpoq.
Utoqqaat illuat 2008-mi septembarip qaammataani
atoqqaartinneqarluni piareernikuuvoq, sanaartoriaaserlu nutaaliaasoq malillugu
immap qaqqarsuillu tungaannut isikkivilerlugu sananeqarsimalluni.
Qeqqata Kommuniata tulluusimaarutigalugu Utoqqaat illuanni "Neriusaaq"-mi sulisut tamarmik qamannga pisumik pilluaqqujumavai.
Kalaallit Nunaanni Suliffigissaaneq pillugu Siunnersuisoqatigiit
tusagassiutitigut nalunaarutaanniit oqaaserineqarut nassuiaatigineqartullu uani atuarsinnaavatit.
Asseq: Kalaallit Nunaanni suliffigissaaneq pillugu siunnersuisoqatigiinniit assilisaq