B-1436-p kangisissortaata isuani inuutissarsiorfik 77 m2-inik angitigisoq attartortinniarneqarpoq.
Attartornermi qaammammut akiliutissaq 3.783,63 koruuniuvoq, taassumalu saniatigut ukiumut ataasiarlugu naleqqussarneqartartussaalluni kiassarnermut siumut akiliutaasartussaq 2.000,- koruuniulluni. Qaammatit pingasut attartornerup nalinganik qularnaveeqqusiisoqassaaq. Innaallagissamut eqqagassalerinermullu aningaasartuutissat attartortumit akilerneqartassapput. M2-mut annerpaamik 300 kg-mik natermut inissiisoqarsinnaavoq.
Attartukkap sumut atorneqarnissaanik qinnuteqaammi nassuiaaserlugu, attartornissamut qinnuteqaat Sisimiuni Teknikkimut Avatangiisinullu immikkoortortamut kingusinnerpaamik maajip 14-iani nassiunneqassaaq. Umiarsualivimmut attuumassuteqartumik atuinissaminnik qinnuteqartut, qinnuteqartunit allanit salliunneqassapput.
Sisimiuni Teknikkimut Avatangiisinullu immikkoortortamut saaffiginninnikut attartortinniagaq alakkarneqarsinnaavoq.