Ataasinngornermi ulloq 14. apriili nal. 19-20. Oqaatsit marluk atorlugit aaqqissuussaq.
Jette Bang-ip 1938-39-ikkunni filmiliaata, manna tikillugu ilisimaneqarani takutitassiarineqarsimanngitsup Sisimiuni innuttaasunut takutinneqarnissaa Sisimiuni Katersugaasiviup nuannaarutigaa. Immiussani aalisarneq, aalisakkerivik, amutsivik, pisiniarfitoqarlu isiginnaarneqarsinnaasunut ilaapput.
Tunuliaqutaa
Assiliisartoq inuusuttoq Jette Bang
1938-39-imi Kalaallit Nunaannut filmilioriartorpoq, Kalaallit Nunaata
nutarteriffigineqarluni ineriartortinneqaraneranut tunngassuteqartunik
assiliiartorluni. Tamanna Grønlands Styrelsimit suliassiissutigineqarsimavoq,
Kalaallit Nunaata nunasiaatitut isumassorneqarnera ersersinneqarsinnaaqqullugu.
Filmi 1940-mi takuteqqaarneqarpoq, Kunngi Christian X aamma Statsminister Th.
Stauning takutitsinermi peqataapput. Kisianni filmip takutinneqarnerani, Jette
Bang-ip aalisakkerivimmi suliffissuaqarnermullu tunngassuteqartut
takutissimanngilai, nalinginnaasumilli kalaallit nalinginnaasumik
inooriaaseqarnerannut tunngassuteqartut kisiisa takutitassiarisimavai. Filmi
takutinneqartoq Grønlands Styrelsimit naammagisimaarneqarsimanngilaq,
ullumikkullu Jette Bang-ip Inuit pillugit filmiliarisimasaatut ilisimaneqartup
takuteqqinneqarsinnaanera tunuarsimaarfigineqalersimalluni.
Kisianni Grønlands Styrelsip piumasarisai akimorlugit, Jette Bang Kalaallit
Nunaanni filmiliorsimanerluni? Kisianni taamaaliorsimanngilaq,
filmiliarisimasaami allat ilisimaneqarsimanngitsut ungasissorsuunngitsukkut
nassaarineqarput. Ukioq 2011-imi phd-imik ilisimatusartoq, Anne Mette Jørgensen
Københavnip Katersugaasivissuani filmilianut toqqorsivimmiittut
filmiliarisimasai nassaarai. Imaassimasinnaanerluni Jette Bang angerlarami
Kalaallit Nunaata ’nutarteriffigineqarneranut’ tunngasut
takutitassiariumasimanngikkai, Kalaallit Nunaanni nalinginnaasumik
inooriaaseqarneq nuannarinerugamiuk? Imaluunniit sorsunnersuup aappaata
takkussimanera aporfigineqarsimava? Tamanna ilisimasaqarfiginngilarput. Filmi
takutinneqareerpat isiginnaarsimasut Anne-Mette Jørgensen-ip isumasioruppai.
Kalaallit Nunaata nuterteriffigineqarluni ineriartortinneqarnerani
ikaarsaarsimanerup innuttaasunit qanoq isumaqarfigineqarnera
paasisaqarfigerusuppaa.
Anne-Mettep ilisimatusarneranut atatillugu filmimik
takutitsineq aamma filmiliarineqassaaq.
Filmimik isiginnaarneq akeqanngilaq
aamma billitsinik inniminniisoqartariaqanngilaq.
Kaffi kaagillu
sassaalliutigineqassapput.